Titus 2:11 - Kaili Ledo

¹¹ Iko kana mompatuduki tona matuvu nte pokainggu nabelo, sabana lako ri kabelo rara nu Alatala, nibukaNamo dala ala pura-pura manusia mamala rapakasalama.

Titus 2:11 Referans Kwoze

1 Timotius 2:4

Ia madota ala pura-pura tona rapakasalama bo mangisani pepatuduki nakana,

Efesus 2:8

Lako ri pomparasayamiu i Kristus, komiu nipakasalama sabana kabelo rara nu Alatala. Haitu ledo asele pompasimbukumiu mboto tapi pedekei nu Alatala bayangi.

Ibrani 2:9

Tapi nikitata i Yesus nakuasa! Ia niparitambe sampalai lako ri malaeka nasimbayu mpo manusia ala Ia rapatesi mombasambei pura-pura manusia. Haitu nipoviaNa sabana Alatala nompotove kita. Bo sii-sii Alatala nompakaoge Ia bo nidekeiNa ka Ia nturo nibila sabana Ia nombarasai susa bo pari sampe namate.

Efesus 2:5

Tempo kita da nireke namate sabana ledo natundu nte Ia, Ia nompakatuvu mpanjili kita nosanggani-nggani ante i Kristus. Toramo! Komiu nipakasalama sabana kabelo rara nu Alatala!

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

Roma 5:15

Tapi asele anu nipovia i Adam bo asele anu nipovia i Yesus nosisala muni. Pedekei bayangi nidekei nu Alatala ka kita naogepa pade peliunaka i Adam. Lako ri peliunaka i Adam, pura-pura manusia mamate. Tapi naogepa pepotove nu Alatala bo pedekeiNa ka manusia. Pedekei nu Alatala, haitumo, Ia nompakasalama manusia sabana anu nipovia i Yesus Kristus lako ri kabelo raraNa.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Suro-Suro 11:23

Nakavapa i Barnabas ri Antiokhia, nadamba mpuu rarana nanggita kabelo nu Alatala nte ira. Jadi nipakarosona rarara ala ira bate-batena mangoseaka i Pue Yesus ante mpuu-mpuu rarara.

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Lukas 3:6

Pura-pura tona ri njumangu ngata mompeinta Alatala mompakasalama manusia.’ ” Yesaya 40:3-5

1 Timotius 1:14

Naoge mpuu pepotove nTuputa nte yaku! Lako ri kabelo raraNa nipopompakuleNa yaku momparasaya Ia bo mompotove singgamanusiaku sabana yaku nosangu rara nte i Yesus Kristus.

Roma 5:2

Kita nomparasaya i Yesus, jadi nidekeiNa ka kita loga mombarasai kabelo rara nu Alatala bo sii-sii nirasaitamo riara nggatuvuta. Nadamba mpuu rarata sabana naroso panjarumakata rakavata bagia ri kaoge nu Alatala.

Kolose 1:6

bo natolele ri umba-umba ri dunia sampe da kapantambai-mbaina kadea ntona nomparasaya i Yesus bo katuvura nipakabaru. Ivesia muni najadi ante komiu, nompamula lako ri tempo niepemiu Kareba Belo bo mpuu-mpuu nirasaimiu kabelo nu Alatala.

Galatia 2:21

Yaku ledo nompoara kabelo rara nu Alatala haitu. Apa ane rapana kita mamala majadi manoa ri panggita nu Alatala ante mangoseaka Atura agama, tantumo kamate i Yesus Kristus ledo maria gunana!

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

Suro-Suro 13:47

apa Tupu nomparenta ka kami ivei: ‘NipelisiKu iko majadi reme anu mombavanta tona ledo toYahudi, ala rasani ntona ri umba-umba ri dunia, Alatala mompakasalama manusia.’ ” Yesaya 49:6; 42:6

Suro-Suro 13:43

Naupu puramo tona nesuvu lako ri banua petupu pangane, nadea toYahudi bo tona ntanina anu nesua agama Yahudi, nomporoa i Paulus bo i Barnabas. Suro-suro haitu nompakaroso rarara ala ira bate-batena manjarumaka kabelo nu Alatala.

Yohanes 1:9

Reme haitu reme nakana anu nakava ri dunia mompakareme pura-pura manusia.

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Markus 16:15

NiulikaNa ira, <

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Ibrani 12:15

Jagaimo! Nee sampe maria komiu moura momparasaya bo mompoara kabelo rara nu Alatala. Nee sampe maria tona majadi mpo tuda-tuda nelangu ri tatangamiu, anu nompakasusa todea ante racuna, sampe nadea tona nikeni riara dosa.

2 Timotius 4:17

Tapi i Pue Yesus nantulungi yaku, bo Ia nompakaroso yaku sampe nipakuleku nompatolele pura-pura Kareba Belo ka pura-pura tona anu ledo toYahudi ri sii. Kaupuna yaku nikabasaka lako ri kuasa ntona madota mompatesi yaku.

Kolose 1:23

Jadi komiu kana batena momparasaya bo nee molengga-lengga. Nee radekei tona mombabagiu komiu. Nee menonto manjarumaka anu nijanji nu Alatala ka komiu riara Kareba Belo. Kareba Belo haitu niepemiumo bo nipatolele sampe ri njumangu dunia. Bo yaku muni, i Paulus, nianggataka najadi topompatolele Kareba haitu.

Roma 10:18

Tapi berimbamo? Dopa niepe ntoYahudi Kareba Belo? Natantu nieperamo apa nitulisi riara Buku Gasa ivei: <> Mazmur 19:5

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

2 Timotius 1:10

Bo sii-sii nakavamo i Yesus Kristus topompakasalama kita bo nikitata kambaso pepotove nu Alatala ka kita. Lako ri Kareba Belo nisanita i Kristus nombadagi kuasa kamate, bo nombadekei katuvua nabelo anu ledo maupu-upu.