Suro-Suro 8:2 - Kaili Ledo

² Tona natundu nte Alatala nombatana i Stefanus ri dayo, bo nombatangisi ia ante nasusa mpuu rarara.

Suro-Suro 8:2 Referans Kwoze

Suro-Suro 10:2

I Kornelius natundu nte Alatala. Naupa ira ledo toYahudi tapi ira sambanua netupu nte Alatala. Ia nasaro nantulungi toYahudi anu napakasi, bo ia nasaro nosambaya ka Alatala.

Suro-Suro 2:5

Tempo haitu nadea toYahudi ntanina lako ri ngata-ngata ri njumangu dunia nonturo ri ngata Yerusalem. Ira haitu tona natundu nte Alatala.

Lukas 2:25

Tempo haitu ri ngata Yerusalem naria langgai nosanga i Simeon. Ia tona nanoa, anu natundu nte parenta nu Alatala bo nantongoraka tempona Alatala mompakasalama todea toIsrael. Nosa Gasa nu Alatala naria nte ia.

Suro-Suro 8:1

I Saulus nadamba apa i Stefanus nipatesira. Nompamula eo haitu todea topangoseaka i Yesus ri ngata Yerusalem mpuu-mpuu nipandasa ntoYahudi sampe ira nasimpotare hau ri njumangu ngata ri bagia Yudea bo Samaria. Aga suro-suro i Yesus ledo nalai.

Suro-Suro 8:3

I Saulus nompasimbuku njuu mompandasa topangoseaka i Yesus ala domo raparasayara i Yesus. Nipebutuna banuara nipesuana bo isema-sema nomparasaya i Yesus, langgai bo mombine, niumbunjaina ri savalikuna bo nisuarakana riara ntarunggu.

Markus 6:29

Sampangepe kajadia haitu, nakavamo anaguru i Yohanes mangala karobatana ri tarunggu bo nitanara ri dayo.