Suro-Suro 8:1 - Kaili Ledo

¹ I Saulus nadamba apa i Stefanus nipatesira. Nompamula eo haitu todea topangoseaka i Yesus ri ngata Yerusalem mpuu-mpuu nipandasa ntoYahudi sampe ira nasimpotare hau ri njumangu ngata ri bagia Yudea bo Samaria. Aga suro-suro i Yesus ledo nalai.

Suro-Suro 8:1 Referans Kwoze

Suro-Suro 22:20

Ivesia muni tempo sabiMiu i Stefanus nipatesira. Nisanira yaku mboto naria ri sia bo yaku nasituju ia rapatesi. Bo yakumo nombajagai pakea ntona nompatesi ia. Jadi kana raparasayara tesaku.’

Suro-Suro 7:58

Nidiisakara hau ri savaliku ngata, bo nirempera vatu. Sabi-sabi mpodava ri Polibu Mbaso pangane, nombavonju bajura bo nibolira nte tona nosanga i Saulus, ala mabelo ira mombarempe i Stefanus.

Suro-Suro 5:40

Bo nipokiora suro-suro mesua mpanjili. Nakava ri sia, suro-suro haitu niporo pade nitagi vai: “Tumo mompatuduki kareba i Yesus ka tona!” Naupu sia pade nikabasakamo.

Suro-Suro 5:33

Nangepe tesa-tesa nu suro-suro, nadua mpuu rara ntoPolibu Mbaso, sampe ira nasintuvu mompatesi suro-suro haitu.

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 8:14

Suro-suro ri ngata Yerusalem nangepe kareba tona ri ngata Samaria nantarima tesa nu Alatalamo. Jadi nitudura i Petrus bo i Yohanes hau ri Samaria.

Suro-Suro 9:31

Jadi todea topangoseaka i Yesus ri njumangu bagia Yudea, Galilea bo Samaria domo nipandasa. Kasae-sae kadea-dea tona nomparasaya i Yesus, bo todea topomparasaya nantambai karoso pomparasayara sabana ira natundu nte Alatala, bo sabana Nosa Gasa nantulungi ira.

Suro-Suro 8:4

Topomparasaya nasimpotare haitu, nompatolele kareba lako nte Alatala ri umba-umba.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Ibrani 11:27

Lako ri pomparasaya i Musa, nipalaisina tana Mesir. Ia ledo naeka ka Magau Mesir nau narau mpuu rara Magau. I Musa batena naroo rarana, apa eva nikitana Alatala anu ledo nikita.

Filipi 1:12

Sampesuvu-sampesuvu, kana rasanimiu, nau yaku nitarunggu ri sii, potarunggu yaku aga nompakantambai kadea ntona nangepe bo nomparasaya Kareba Belo.

Suro-Suro 13:1

Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

Suro-Suro 7:38

I Musa muni naria nosanggani-nggani nte todea toIsrael ri karava bai, bo i Musamo mai najadi topetariolo ntotuata ante malaeka anu notesa ka ia ri Bulu Sinai. I Musamo mai nantarima tesa natuvu lako nte Alatala bo nipapolana ka kita.

Suro-Suro 5:20

“Koimo, peangga ri doyata Banua nu Alatala bo patolelemo ka todea kareba katuvu nabaru.”

Suro-Suro 5:18

Nisakara suro-suro, bo nisuarakara riara ntarunggu ngata.

Suro-Suro 2:47

Ira nasaro nombatoiya Alatala bo pura-pura todea ntanina nompodamba ira. Bo eo-eo nantambai kadea ntona nipakasalama nu Alatala.

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Matius 23:34

Pariaramo! Kutudu nabi-nabi bo tona nanoto bo guru-guru tou mompatuduki tesaKu ka komiu. Sanu rapatesimiu, sanu rapakumiu ri kayu salib, bo sanupa racambumiu riara banua-banua petupumiu. Bo sanupa raraga-ragamiu lako ri sangu ngata hau ri ngata ntanina.

Matius 22:6

roara ntanina aga nosaka batua-batua nitudu nu magau haitu pade nibobara bo nipatesira.

Matius 5:13

“Komiu nasimbayu eva gara ri dunia. Tapi ane gara mamolimo, domo mapaga mpanjili! Natantu gara haitu domo ria gunana, bo aga ratedaka bo rajeje-jeje ntona.

Suro-Suro 7:54

Nangepe tesa i Stefanus pangane, nadua mpuumo rara ntoPolibu Mbaso Agama sampe nanggiki baga pura ira.

Suro-Suro 8:2

Tona natundu nte Alatala nombatana i Stefanus ri dayo, bo nombatangisi ia ante nasusa mpuu rarara.

Suro-Suro 8:5

Saito ira nosanga i Filipus. Ia hau ri ngata Samaria bo nipatolelena ka tona hamai i Yesusmo Magau Topepakasalama anu nijanji nu Alatala.

Suro-Suro 13:36

Tesa hitu ledo nambela i Daud, sabana naupu ia novia anu nitudu nu Alatala ka ia, namatemo ia. Bo ia nitana ri sinjori dayo ntotuana nggaulu, bo karobatana napopomo.

Suro-Suro 26:10

Bo nipoviaku mami ivesia ri ngata Yerusalem. Balengga-balengga ntopanggeni pesomba nombadekei sura kuasa ka yaku bo nadea todea nu Alatala nisuarakaku riara ntarunggu. Ledo aga haitu, ane ira nihuku mate, nadamba raraku.

Roma 1:32

Nisanira mami parenta nu Alatala anu nanguli tona nokainggu ivesia masipato rahuku mate. Tapi nau nisanira pokainggura haitu nadaa, kana nipoviara. Bo ane maria tona ntanina mantuntuni pokainggura nadaa, nadamba rarara.