Suro-Suro 3:2 - Kaili Ledo

² Ri bobaa mbaso anu niuli Bobaa Nagaya, naria saito langgai napunggu mami lako ri pompoanaka. Eo-eo ia nikeni hau ri bobaa haitu ala mamala mantande palena merapi-rapi nte topoliu nesua hau mosambaya ri Banua nu Alatala.

Suro-Suro 3:2 Referans Kwoze

Suro-Suro 14:8

Ri ngata Listra naria saito langgai napunggu lako ri pompoanakame. Ia ledo sanggani nolipa sabana kadana ledo naroso.

Yohanes 9:8

Tona nosadoyata ante ia bo tona nanggita ia nerapi-rapi ri bivi dala bara ipia, nosipekutana, “Ledo ia haitu tona nonturo ri bivi dala nerapi-rapi bara ipia?”

Lukas 16:20

Naria saito tona napakasi nidika ntona ri vamba ntona nakalumana. Topakasi haitu nosanga i Lazarus. Ia nabaka njumanggaro.

Suro-Suro 10:31

Ia nanguli ka yaku ivei: ‘Kornelius! Posambayamu nitarima nu Alatalamo, bo nitoraNa kabelo raramu nantulungi tona napakasi.

Lukas 18:35

Tempo i Yesus napara ngata Yerikho, naria saito toburo nonturo nerapi-rapi ri bivi dala.

Suro-Suro 10:4

Naeka mpuu i Kornelius nanggita malaeka haitu. Nesana i Kornelius, “Nuapa, tua?” Nanguli malaeka, “Posambayamu nitarima nu Alatalamo, bo nitoraNa kabelo raramu nantulungi tona napakasi.

Suro-Suro 4:22

Nokumaa mpuu todea sabana topunggu nipakabelo haitu, nelabimo patapulu-mpae umuruna.

Suro-Suro 3:10

Pade nanotomo rarara, iamo toperapi nabiasa nonturo ri Bobaa Nagaya nerapi-rapi nte tona. Nokumaa bo natekaja ira nanggita anu najadi nte topunggu haitu.