Suro-Suro 3:1 - Kaili Ledo

¹ Naria saeo i Petrus bo Yohanes hau ri Banua nu Alatala tinti tatalu ede eo, haitumo tempo posambaya ntoYahudi.

Suro-Suro 3:1 Referans Kwoze

Suro-Suro 10:3

Naria saeo nitasere tinti tatalu ede eo, naria anu nipopakita ka ia, haitumo saito malaeka nu Alatala nakava nombaronde ia, “Kornelius!”

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

Lukas 1:10

Tempo ia da notunju dupa, todea nosambaya ri savalikuna.

Suro-Suro 5:25

Dopa nasae, nakavamo saito langgai nanguli ka ira, “Epe vei! Tona nisuarakamiu riara ntarunggu, hitupa nompatuduki todea ri Banua nu Alatalamo!”

Lukas 24:53

Ira naria njuu ri Banua nu Alatala nombatoiya Alatala.

Suro-Suro 8:14

Suro-suro ri ngata Yerusalem nangepe kareba tona ri ngata Samaria nantarima tesa nu Alatalamo. Jadi nitudura i Petrus bo i Yohanes hau ri Samaria.

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Yohanes 21:7

Anaguru anu nipotove i Yesus nanguli ka i Petrus, “I Pue, tano!” Niepe i Petrus tesa haitu, nipasuana mpanjili bajuna, sabana ia ledo nobaju pangane. Bo nekavantumo ia hau riara rano norabu hau ri kabatana.

Lukas 22:8

I Yesus nombatudu i Petrus bo i Yohanes ivei: “Koi pasadiamiu kandea Paskah ka kita.”

Matius 26:37

NikeniNa i Petrus bo randua ana i Zebedeus nosanggani nte Ia. Hamai nompamulamo i Yesus nasusa bo napari raraNa.

Matius 17:1

Ono-mbongi kaliuna haitu, i Yesus nanggeni i Petrus, i Yakobus ante tueina i Yohanes hau nantende bulu nalanga. Aga i Yesus ante ira tatalu naria hamai.

Suro-Suro 10:30

Nesanamo i Kornelius, “Talu-mbongi naliu, nitasere jaa ivehitu muni, tinti tatalu ede eo, yaku nosambaya ri banuaku. Sampesanika naria saito malaeka nikitaku neangga ri ngayoku. Pakeana nenggila-nggila.

Galatia 2:9

I Yakobus, i Petrus bo i Yohanes, nireke pakeni ntodea topomparasaya i Yesus ri Yerusalem. Nikitara Alatala nombadekei pokarajaa nabelo ka yaku, haitumo majadi suroNa. Jadi ira nosijoko pale ante kami bo i Barnabas. Haitumo tandana kami pura-pura roa sampobago nanggeni Kareba Belo. Kami pura-pura nasituju ala kami bo i Barnabas manggeni Kareba Belo ka tona ledo toYahudi bo ira manggeni Kareba Belo ka toYahudi.

Matius 27:45

Natongo eo, sampesanika nalandamo njumangata haitu sampe tinti tatalu nggoviana.

Lukas 18:10

Nanguli i Yesus, “Naria randua tona hau nosambaya ri Banua nu Alatala. Saito toFarisi, bo saito topesingara balasitee.

Suro-Suro 3:3

Tempo nikitana i Petrus bo i Yohanes noliu mesua hau ri Banua nu Alatala, niulurakanamo palena merapi doi nte ira randua.

Suro-Suro 3:4

Jadi nikanotoramo topunggu haitu bo nanguli i Petrus ka ia, “Peintamo kami!”