Suro-Suro 11:9 - Kaili Ledo

⁹ Tapi naria vaimo suara haitu lako ri langi, ‘Anu niuliKu nabelo rakande, nee muuli nipopali!’

Suro-Suro 11:9 Referans Kwoze

Suro-Suro 15:9

Alatala ledo nompoposisala kita toYahudi ante ira ledo toYahudi. Ia nompakagasa rarara, sabana ira nomparasaya.

1 Timotius 4:5

Kandea haitu nagasa sabana Tesa nu Alatala nanguli nagasa bo sabana posambayata.

Suro-Suro 10:28

bo niulikana ira, “Sampesuvu-sampesuvu, nisanimiu mboto, nantuntuni Atura agama Yahudi, kami toYahudi nitagi mosimporoa atau mompanjayo tona ledo toYahudi. Tapi Alatala nompakalanto ka yaku riara anu nipopakitaNa ka yaku, ledo mamala kuuli sanu manusia naruto atau ledo mamala kuporoa, sabana Alatala nantarima pura-pura manusia.

Suro-Suro 10:15

Tapi suara haitu nanguli vai ka ia, “Anu niuli nu Alatala nabelo, nee muuli nipopali!”

Markus 7:19

Sabana kandea haitu ledo nesua riara pekirina, tapi aga nesua riara ntai likona, bo lako ri tai likona aga nesuvu mpanjili.>> Ante nanguli tesa haitu, i Yesus nompakatantu mpengaya-ngaya kandea mamala rakande, bo ledo ria nipopali.

Suro-Suro 11:8

Tapi nesana yaku, ‘Ledaku, Pue. Dopa sanggani nikandeku anu nipopali bo naruto mpo binata moitu!’

Suro-Suro 11:10

Talu-nggani nikitaku anu haitu, pade nioretaka mpanjili kae haitu hau ri langi.