Suro-Suro 10:9 - Kaili Ledo

⁹ Ri eo kamailena, tempo natanga eo, ira tatalu da ri polipara maparamo ngata Yope, i Petrus nompene mosambaya ri ata nu banua anu nantalumbu.

Suro-Suro 10:9 Referans Kwoze

Suro-Suro 6:4

Bo ivesiamo kami suro-suro mamala mombatui bago kami mboto, haitumo mosambaya ka Alatala bo mompatolele tesaNa.”

Markus 6:46

Nogaapa nte todea, haumo Ia mosambaya ri bulu.

Markus 1:35

Nasadondo mpuu, da naruyona, nembangumo i Yesus bo nompalaisi banua. Ia hau ri ponturo nakalinoa bo nosambaya hamai.

Matius 27:45

Natongo eo, sampesanika nalandamo njumangata haitu sampe tinti tatalu nggoviana.

Matius 24:17

Isema-sema nangosanaka ri savaliku nu banuana, tumo mesua rabanua mangala bara nuapa-nuapa. Palaimo masalisa!

Matius 20:5

Tinti sapulu randua hau vai tupu ntalua haitu mangelo topokarajaa hanupa. Niulina ka ira nasimbayu eva niulina ka tona pangane. Bo ivesia muni nipoviana tinti tatalu nggoviana.

Matius 6:6

Tapi ane komiu mosambaya, pesuamo riara ntombimiu, upimo vamba, bo posambayamo ka Alatala, Tuamamiu anu ledo nikita. Bo Alatala anu nanggita poviamiu nggalino haitu, mombadekei tambo ka komiu.

1 Timotius 2:8

Dotaku ala ri umba-umba topomparasaya nasiromu mombasomba Alatala, langgai mosambaya ante rara nagasa. Ledo masipato mosambaya ane narau rara atau nosinjanai.

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Suro-Suro 10:3

Naria saeo nitasere tinti tatalu ede eo, naria anu nipopakita ka ia, haitumo saito malaeka nu Alatala nakava nombaronde ia, “Kornelius!”