Suro-Suro 10:4 - Kaili Ledo

⁴ Naeka mpuu i Kornelius nanggita malaeka haitu. Nesana i Kornelius, “Nuapa, tua?” Nanguli malaeka, “Posambayamu nitarima nu Alatalamo, bo nitoraNa kabelo raramu nantulungi tona napakasi.

Suro-Suro 10:4 Referans Kwoze

Filipi 4:6

Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

Suro-Suro 10:31

Ia nanguli ka yaku ivei: ‘Kornelius! Posambayamu nitarima nu Alatalamo, bo nitoraNa kabelo raramu nantulungi tona napakasi.

Pompakita 8:4

Tempo malaeka nombatunju dupa haitu, ununa nosumoa ri ngayo nu Alatala nosanggani-nggani ante posambaya ntodea nu Alatala.

Filipi 4:18

Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

Lukas 1:29

Natekaja i Maria nangepe tesa nu malaeka, bo nipekirina riara ntaina, “Nuapa batuana tesa haitu?”

Matius 26:13

Pariaramo tesaKu hitu! Ri umba-umba ri dunia Kareba Belo rapatolele, povia nu mombine hitu ratesa muni ala ratora ia.”

Suro-Suro 22:10

Jadi nekutana vai yaku, ‘Nuapa masipato kupovia, Pue?’ Nesanamo i Pue, ‘Peanggamo! Koimo pesua ri ngata Damsyik. Hamai pade rauli ka iko pura-pura anu nipakatantu nu Alatala kana mupovia.’

Lukas 24:5

Naeka mpuu rara mombine gahaitu sampe ira notungga narapa ri tana. Nangulimo randua malaeka haitu ka ira, “Nakuya komiu nangelo tona natuvu ri ponturo ntona namate?

Suro-Suro 3:4

Jadi nikanotoramo topunggu haitu bo nanguli i Petrus ka ia, “Peintamo kami!”

Suro-Suro 14:9

Topunggu haitu nonturo nangepe tesa i Paulus. I Paulus nanggita tona haitu bo nisanina tona haitu mamala rapakabelo sabana niparasayana mpuu. Jadi i Paulus nompeintaka ia,