Suro-Suro 1:12 - Kaili Ledo

¹² Naupu haitu, suro-suro i Yesus notinggulimo lako ri Bulu Zaitun bo hau ri ngata Yerusalem. Bulu haitu nitasere sangu kilo kakavaona lako ri Yerusalem.

Suro-Suro 1:12 Referans Kwoze

Lukas 24:52

Nantaputumo anaguruNa mombasomba Ia. Naupu sia nanjilimo ira hau ri ngata Yerusalem ante rara nadamba ntoto.

Matius 21:1

Tempo naparamo ngata Yerusalem, ira nakava ri ngata Betfage ri kente nu Bulu Zaitun. Ri sia i Yesus nantudu randua anaguruNa mokolu.

Lukas 24:50

Naupu haitu, i Yesus nanggeni ana-anaguruNa hau ri savaliku ngata Yerusalem napara ngata Betania. Ri sia nilaerakaNa paleNa bo nerapi Alatala mombadekei belo ka ira pura-pura.

Yohanes 11:18

Ngata Betania haitu napara ngata Yerusalem, nitasere talu-kilo kakavaona.

Lukas 21:37

Eona, i Yesus nompaguru ri Banua nu Alatala bo bongina hau naturu ri Bulu Zaitun.

Matius 26:30

Naupu haitu ira nodade sanggayu dade mombatoiya Alatala, pade nalai hau ri Bulu Zaitunmo ira.

Matius 24:3

Naupu haitu hau ri Bulu Zaitunmo i Yesus. Tempo Ia da nonturo hamai, ana-anaguruNa nakava motesa nggalino nte Ia. Niulira, “Guru, uli ka kami, maipia majadi pura-pura anu nitesaMiu pangane, bo berimba tandana kakavaMiu bo kaupu nu dunia hitu?”

Lukas 19:29

Napara ngata Betfage bo Betania ri kente nu Bulu Zaitun, nituduNa randua anaguruNa hau mokolu.

Matius 24:20

Perapi nte Alatala ala tempo komiu mangova malai haitu ledo mambela tempo naranindi bara eo penonto.