Roma 8:9 - Kaili Ledo

⁹ Tapi komiu domo nangoseaka dota raramiu nadaa. Komiu nangoseaka dota Nosa Gasa nu Alatala ane Nosa Gasa mpuu-mpuu nonturo riara ntaimiu. Isema-sema ledo ria Nosa Gasa i Kristus riara ntaina, ia ledo todea i Kristus.

Roma 8:9 Referans Kwoze

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

1 Korintus 3:16

Sampesuvu-sampesuvu, ledo nisanimiu komiu nasimbayu mpo banua niponturo nu Alatala? Bo Nosa GasaNa nonturo ri tatangamiu.

2 Timotius 1:14

Pepatuduki haitumo kakalumana niparasaya nu Alatala ka kita. Jadi ante petulungi Nosa Gasa anu naria riara ntaita, jagaimo pepatuduki haitu. Nee radekei rabaliki ntona.

1 Korintus 6:19

Ledo nisanimiu karomiu nasimbayu mpo banua petupu anu niponturo Nosa Gasa nu Alatala? Ia natetida riara ntaimiu. Alatala mboto nombadekei Nosa Gasa ka komiu. Iamo Tupu nu karomiu, ledo komiu mboto tupuna.

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

Yohanes 14:17

Topetulungi haitumo Nosa Gasa nu Alatala anu mompopaisani anu nakana ka komiu. Tona ri dunia hitu anu ledo nomparasaya, ledo mamala mantarima Ia sabana ledo nikitara Ia bo ledo nosisani ante Ia. Tapi komiu nosisani ante Ia sabana Ia nosanggani-nggani ante komiu sii-sii, bo domo masae Ia monturo riara ntaimiu.

Efesus 1:13

Bo ivesia muni komiu. Komiu najadi todea nu Alatala tempo niepemiu bo niparasayamiu pepatuduki nakana, haitumo Kareba Belo anu nompopaisani ka komiu, komiu mamala rapakasalama. Komiu nomparasaya i Yesus, jadi Alatala nombadekei Nosa GasaNa ka komiu anu nijanjiNa nggaulu. Nosa Gasa haitu tandana komiu mpuu-mpuu todea nu Alatala.

Galatia 5:24

Isema-sema nosangu rara ante i Yesus Kristus, nireke dota rarara nadaa namate nosanggani-nggani nte i Kristus tempo Ia nipaku ri kayu salib. Batuana, ira domo nikuasai dota rarara nadaa.

Efesus 2:22

Bo komiu muni anu ledo toYahudi nosangu rara nte i Kristus, jadi komiu muni nosanggani-nggani ante topomparasaya i Kristus ntanina najadi ponturo Nosa Gasa nu Alatala.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

Yohanes 3:6

Karota najadi lako ri manusia, tapi katuvu nabaru najadi lako ri kuasa Nosa Gasa nu Alatala.

Filipi 1:19

Bo yaku batena nadamba apa nisaniku, yaku rakabasaka sabana posambayamiu bo petulungi Nosa i Yesus Kristus.

1 Yohanes 4:13

Alatala nombadekei Nosa GasaNa ka kita. Sia sampe nisanita kita natuvu nosangu rara ante Alatala bo Ia natuvu riara ntaita.

Lukas 11:13

Naupa komiu tona nadosa, nisanimiu nombadekei anu nabelo ka anamiu. Nemopa Tuamata ri suruga. Ia mpuu-mpuu mombadekei Nosa GasaNa ka isema-sema merapi nte Ia.”

1 Yohanes 4:4

Sampesuvu-sampesuvu nipotoveku, komiumo ana-ana nu Alatala bo nidagimiumo nabi-nabi mpodava gahaitu, sabana Nosa Gasa nu Alatala anu riara ntaimiu nakuasapa pade Magau nu Seta anu nombakuasai pekiri ntona ledo nangoseaka dota nu Alatala.

1 Korintus 15:23

Tona namatemo kana rapakatuvu mpanjili nangoseaka sunjuna nipakatantu. I Kristus tona pamulana nipakatuvu mpanjili. Bo maliu haitu tona nosangu rara nte Ia rapakatuvuNa mpanjili tempo Ia makava mpanjili ri dunia.

1 Yohanes 3:24

Isema-sema nanturusi parenta nu Alatala, iamo natuvu nosangu rara ante Alatala bo Alatala muni nonturo riara ntaina. Bo nisanita Alatala nosangu rara ante kita sabana Nosa Gasa nidekeiNa naria riara ntaita.

2 Korintus 6:16

Masipato kita metupu nte Alatala ri BanuaNa bo metupu muni nte tupu-tupu ntanina? Natantu pura-pura haitu ledo ntoto masipato! Toramo! Kitamo anu najadi Banua nu Alatala, haitumo Alatala anu Natuvu sampe ri kasae-saena. Alatala mboto nanguli ivei: “Yaku matetida ri tatangara bo monturo mosanggani-nggani ante ira. Yaku majadi Tupura bo ira majadi todeaKu.” Imamat 26:12; Yehezkiel 37:27

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.

2 Korintus 10:7

Sampesuvu-sampesuvu, pekirikamo anu nikitamiu! Ane maria tona nanguli ia mpuu-mpuu bagia i Kristus, kana ratorana kami muni bagia i Kristus, nasimbayu mpo ia.

Yohanes 14:23

Nesana i Yesus, “Isema-sema nompotove Yaku raoseakana tesaKu. Bo TuamaKu mompotove ia bo Yaku ante TuamaKu makava monturo mosanggani-nggani ante ia.

Suro-Suro 16:7

Tempo ira nakava ri pobingga bagia Misia, ira madota mapola mesua ri propinsi Bitinia. Tapi Nosa Gasa i Yesus nombatagi ira mapola.

Roma 7:5

Bara ipia, dopame kita nomparasaya i Yesus, kita natuvu nangoseaka dota rarata anu nadaa. Anu nitagi nu Atura agama, aga haitumo nipodotata rapovia. Jadi, nipaketa karota novia dosa sampe kita masipato rahuku mate bo rapopogaa lako nte Alatala.

Roma 8:1

Jadi sii-sii domo ria pehuku rapambela ka tona nosangu rara ante i Yesus Kristus.

1 Korintus 6:17

Tapi isema-sema nomparasaya i Pue Yesus, najadi nosangu rara nte Ia.

Efesus 3:17

sampe i Kristus bate-batena monturo riara ntaimiu sabana komiu nomparasaya Ia. Bo kuperapi ala katuvumiu rakuasai nu tove i Kristus bo toveNa haitu mokale riara ntaimiu.