Biblia Todo Logo
Bib sou entènèt

- Piblisite -




Roma 8:19 - Kaili Ledo

19 Sii-sii pura-pura isi nu dunia ante lentora rarara nantongoraka tempona Alatala mompopakita kaoge nu ana-anaNa.

Gade chapit la Kopi




Roma 8:19
26 Referans Kwoze  

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.


Ledo aga dunia nandasa, tapi kita topomparasaya muni nandasa nirasaita, nantongoraka tempona Alatala mombakabasaka karota lako ri kuasa kamatea, bo mombadekei belo ka kita ana-anaNa. Nisanita tempo haitu kana makava, sabana nitarimatamo Nosa Gasa nu Alatala, tandana Alatala mpuu-mpuu mompakadupa pojanjiNa ka kita.


Yaku mpuu-mpuu nanjarumaka yaku ledo rapakaeya nokarajaa nompatolele Kareba i Kristus. Nisarumakaku yaku bate-batena mabia mosabi, nemopa sii-sii, ala nau mamate atau matuvu yaku, rakita ntona kaoge i Kristus riara nggatuvuku.


I Yesus kana monturo ri suruga sampe makava tempona Alatala mompakabaru pura-pura, evamo nitesaNa ka nabi-nabi nipelisiNa nggaulu.


Nabelo mpuumo tona nompoposinggabelo roa, sabana iamo rauli nu Alatala anaNa.


Tapi isema-sema nantarima Ia bo nomparasaya Ia, nidekeikaNa kuasa majadi ana-ana nu Alatala.


Isema-sema nikeniaka Nosa Gasa nu Alatala, iramo ana-ana nu Alatala.


Nosa Gasa nosanggani-nggani nte rarata mboto nanguli ka kita, kitamo ana-ana nu Alatala.


Niparasayaku kasusa bo kapari nirasaita sii-sii damo njongona ane rapoposisala ante kabelo rarasaita bara maipia.


Bo ri umba nipanguli nu Alatala ka ira, , ri situ munimo, ira rauli ana-ana nu Alatala anu Natuvu.>> Hosea 1:10


Jadi, ledo ntoto nakura pompakule nidekei nu Nosa Gasa ka komiu sii-sii, komiu ranja nantongoraka peonga nTuputa i Yesus Kristus mpanjili ri dunia.


Alatala mompakaroso komiu sampe ri kaupuna ala tempo Tuputa Yesus Kristus makava mpanjili ri dunia, ledo maria salamiu rakavaNa.


Niuli muni ri Buku Gasa ivei: “Yaku majadi Tuamamiu bo komiu majadi ana-anaKu. Ivesiamo panguli nTupu anu Neliu KakuasaNa.” 2 Samuel 7:14, 1 Tawarikh 17:13, Yesaya 43:6, Yeremia 31:9


Jadi, komiu pura-pura nosangu rara nte i Yesus Kristus, komiu najadi ana-ana nu Alatala sabana komiu nomparasaya i Kristus.


I Kristusmo nombadekei katuvu nabaru ka komiu. Tempo Ia meonga mpanjili ri dunia, kuasaNa bo kaogeNa rakita mpuu, bo kaoge katuvumiu nabaru rakita muni sabana komiu mosanggani-nggani nte Ia.


TesaNa “sangganipa” haitu, batuana, pura-pura anu nipajadiNa kana ragoyaNa bo rapakalipoNa ala aga anu ledo nogoya maboli.


Patuju nu pesori-pesori haitu ala rasani kaliangu pomparasayamiu. Bulava nigonu ante apu ala rasani bara maria galona bara ledo. Pomparasayamiu noalipa pade bulava anu namala magero. Jadi pomparasayamiu kana rapesori muni ante mpengaya pesori. Bo ane pomparasayamiu mpuu-mpuu maliangu, komiu ratoiya bo rabila bo rapakaoge tempo i Yesus Kristus makava mpanjili ri dunia.


Sampesuvu-sampesuvu, naria mamimo panjarumakata naroso. Sabana haitu, komiu kana mompakanoto raramiu bo mainga, bo maroo manjarumaka belo radekei ka komiu tempo i Yesus Kristus makava mpanjili.


Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.


Isema-sema padagi, rakavana pura-pura anu niuliKu pangane. Bo Yakumo majadi Alatalara bo ira majadi anaKu.


Swiv nou:

Piblisite


Piblisite