Roma 7:8 - Kaili Ledo

⁸ Tapi niepekupa Atura agama anu nanguli <> dosa nanggava loga nokarajaa riara ntaiku sampe aga nantambai dota raraku maino ka anu ntona. Ane rapana ledo ria Atura agama nombatuduaka dosaku, dosa ledo mombakuasai katuvuku.

Roma 7:8 Referans Kwoze

Roma 7:11

Nisanikupa Atura agama, dosa nanggava loga mombabagiu yaku. Namala raulita: lako ri Atura agama, dosa nompakanavu yaku sampe yaku masipato rahuku mate bo rapopogaa lako nte Alatala.

1 Korintus 15:56

Manusia naeka ka kamatea sabana nisanira ane mamate ira kana rahuku sabana dosara. Bo manusia nadosa sabana niliunakara Atura agama.

Roma 4:15

Ane kita aga mompasimbuku mangoseaka Atura agama, kita aga mambela pehuku nu Alatala sabana kita nasaro nombaliunaka AturaNa. Ane rapana ledo maria Atura agama, tantu ledo maria nuapa-nuapa raliunakata bo kita ledo masala.

Roma 7:13

Ane ivesia, nuapa batuana? Anu nabelo nompakadaa yaku? Tantu ledo! Dosamo mai anu nompakadaa yaku! Atura agama nabelo nipake nu dosa nompakanavu yaku sampe yaku masipato rahuku mate bo rapopogaa lako nte Alatala. Atura agama nabelo haitu, nompakalanto naria dosa riara ntaiku, bo nompakalanto nadaa mpuu dosa.

Roma 5:20

Atura agama nidekei nu Alatala ala mantambai kadea dosa nipovia nu manusia. Tapi nau dosa manusia nantambai kadeana, pepotove nu Alatala naogepa.

Yohanes 15:22

Ane rapana Yaku ledo nakava bo ledo nompatuduki ka ira, tantu ira ledo rapakasala sabana dosara. Tapi nakavamo Yaku bo nipatudukimo ira. Jadi domo mamala raulira ledo nisanira pokainggura nadosa.

Roma 7:17

Jadi, ledo yaku anu novia pokainggu nadaa, tapi dosa anu naria mamimo riara ntaiku noviana.

Yohanes 15:24

Ane rapana ledo nipoviaKu kabaraka-kabaraka ri ngayora anu ledo sanggani nipovia ntona ntanina, tantu ira ledo rapakasala sabana dosara. Tapi nikitaramo kabaraka-kabaraka haitu bo ira batena navuu matara nanggita Yaku bo TuamaKu muni. Jadi ira kana rapakasala sabana dosara haitu.

Markus 7:22

mobualo, madoko ka mbara-mbara, movia anu nadaa, mebagiu, majampa, masiriati, mesalai, malanga rara, bo metidoyo.

Roma 3:20

Ledo ria saitoa tona majadi manoa ri panggita nu Alatala sabana nangoseaka Atura-atura agama. Apa Atura haitu aga nompopaisani ka kita pura-pura manusia nadosa.

Roma 7:9

Bara ipia, dopame nisaniku Atura agama, yaku natuvu nasana. Tapi nisanikupa Atura agama, dosa anu naria mami riara ntaiku nompamula naroso,