Roma 7:10 - Kaili Ledo

¹⁰ bo nanotomo raraku yaku masipato rahuku mate bo rapopogaa lako nte Alatala. Kakanana, patuju nu Atura agama ala yaku manggava katuvua nabelo. Tano, nisanikupa Atura haitu, yaku aga nombaliunakana sampe yaku masipato rahuku mate bo rapopogaa lako nte Alatala.

Roma 7:10 Referans Kwoze

2 Korintus 3:7

Atura-atura anu nanggeni kamatea niuki nu Alatala ri sampeka vatu bo nidekei ka Nabi Musa. Tempo haitu reme lako ri kaoge nu Alatala nikita bo nompopenggila lenje i Musa sampe toIsrael ledo nompakule nangganotona naupa reme haitu nompamulamo nalipo. Jadi ane ivehaitu kaoge nu Alatala nikita tempo Atura-atura anu nanggeni kamatea nidekei ka Nabi Musa,

Roma 10:5

Nabi Musa notesa tona najadi nanoa ri panggita nu Alatala sabana nioseakara Atura agama. Niulina ivei: <> Imamat 18:5

Galatia 3:12

Tapi ane tona natundu nte Atura agama, haitu ledo ntoto nasimbayu ante tona nomparasaya Alatala, sabana tona natundu nte Atura agama nanjarumaka pompasimbukuna mboto, ledo nanjarumaka Alatala. Evamo niuli riara Atura agama ivei: “Isema-sema natutu nangoseaka pura-pura Atura agama, iamo matuvu mabelo.”

Roma 4:15

Ane kita aga mompasimbuku mangoseaka Atura agama, kita aga mambela pehuku nu Alatala sabana kita nasaro nombaliunaka AturaNa. Ane rapana ledo maria Atura agama, tantu ledo maria nuapa-nuapa raliunakata bo kita ledo masala.

Roma 7:9

Bara ipia, dopame nisaniku Atura agama, yaku natuvu nasana. Tapi nisanikupa Atura agama, dosa anu naria mami riara ntaiku nompamula naroso,