Roma 6:18 - Kaili Ledo

¹⁸ Komiu nikabasakamo lako ri kuasa nu dosa bo sii-sii komiu najadi batua nu Alatala anu nangoseaka dotaNa.

Roma 6:18 Referans Kwoze

Roma 6:22

Tapi sii-sii komiu nikabasakamo lako ri kuasa nu dosa bo najadi batua nu Alatala. Haitu mpuu-mpuu nanggeni belo ka komiu, sabana komiu nompakule natuvu mpo todea nu Alatala bo kaupuna komiu matuvu mabelo sampe ri kasae-saena.

Galatia 5:1

I Kristus nombakabasaka kita lako ri Atura agama ala kita mpuu-mpuu makabasaka. Jadi pakaroomo raramiu ala komiu batena makabasaka. Nee rapalamba karomiu rapobatua mpanjili.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

Yohanes 8:32

Bo ane ivesia, rasanimiumo pepatuduki nakana sampe komiu rakabasaka lako ri pobatuamiu.”

Roma 6:7

Apa ane tona namatemo, nikabasakamo lako ri kuasa nu dosa.

Roma 6:14

Nee radekei karomiu rakuasai nu dosa, apa kita domo nipou Atura agama. Tapi kita nanjarumaka pepotove nu Alatala.

1 Petrus 2:16

Komiu kana matuvu mpo tona nikabasaka lako ri pehuku nu dosa. Tapi nee sampe haitu majadi loga ka komiu movia anu nadaa! Komiu kana matuvu mpo batua nu Alatala anu natundu nte Ia.

Yohanes 8:36

Jadi, ane Ana nu Alatala mbotomo mombakabasaka komiu lako ri dosa, makabasaka mpuumo komiu!

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.