Roma 5:4 - Kaili Ledo

⁴ Ane maroso rarata, rapakuleta mombatidamaka tempo rapesori bo pokaingguta haitu rapokono nu Alatala. Bo ane rasanita pokaingguta nipokonoa nu Alatala, panjarumakata nte Ia mantambai maroso.

Roma 5:4 Referans Kwoze

1 Petrus 5:10

Komiu kana mombarasai susa, tapi ledo masae. Maliu haitu Alatala mboto mompakagana nuapa-nuapa nakura nte komiu. Ia mompakaroo raramiu sampe ledo maria tona ntanina mamala mompopolengga atau mompopoura pomparasayamiu. Alatala mpuu-mpuu mompakaroso komiu apa nabelo mpuu raraNa bo Iamo nompokio komiu manggava bagia ri kuasaNa bo kaogeNa sampe ri kasae-saena sabana komiu nosangu rara ante i Kristus.

Yakobus 1:12

Nabelo mpuu tona naroso rarana riara kasusa bo pesori! Ane maroso rarana sampe ri kaupu pesori haitu, Alatala mombadekei katuvu nabelo ka ia sampe ri kasae-saena. Katuvu nabelo haitu nijanji nu Alatala ka tona nompotove Ia.

Roma 15:4

Pura-pura anu nitulisi riara Buku Gasa nggaulu nitulisi mompatuduki kita. Lako ri pepatuduki nikavata ri Buku Gasa kita majadi mosabara riara kasusa bo rarata rapakaroso ala kita maroo manjarumaka Alatala.

Lukas 21:19

Ane komiu bate-batena momparasaya bo ledo moura, komiu mpuu-mpuu manggava katuvu mabelo sampe ri kasae-saena.”

Filipi 2:22

Nisanimiu mbotomo i Timotius namala raparasaya. Ia nokarajaa ntamo nosanggani-nggani ante yaku nompatolele Kareba Belo nasimbayu mpo ngana nantulungi tuamana.

Ibrani 6:19

Ane mantamo talonto sakaya, natantumo sakaya haitu ledo maave. Ivesia muni kita: ane maroso panjarumakata ledo masalandala kita. Ledo mabali panjarumakata sabana anu nisarumakata haitumo i Pue Yesus. Ia naria ri Tombi Nelabi Kagasana ri suruga, bo