Roma 4:9 - Kaili Ledo

⁹ Kasana nitesa Magau Daud haitu ledo aga nambela nte toYahudi anu nangoseaka ada posuna, tapi nambela muni nte tona ledo toYahudi anu ledo nangoseaka ada posuna. Evamo niuliku pangane, i Abraham nireke nu Alatala nanoa lako ri pomparasayana.

Roma 4:9 Referans Kwoze

Galatia 3:14

Patuju i Kristus nombadekei karoNa rapatesi ivesia, ala tona ledo toYahudi mamala muni manggava belo nasimbayu ante belo nijanji nu Alatala ka i Abraham nggaulu. Belo haitu ratarimara sabana ira nosangu rara nte i Yesus Kristus. Ivesia muni kita anu nomparasaya i Kristus manggava Nosa Gasa anu nijanji nu Alatala nggaulu.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Roma 4:3

apa nitulisi riara Buku Gasa ivei: <> Kajadia 15:6

Lukas 2:32

Iamo reme nombavanta rara ntai manusia pura-pura anu dopa nosisani nte Komiu, ala raparasayara Komiu. Bo Iamo sabana todeaMiu toIsrael rabila nu manusia pura-pura.”

Roma 4:10

Ipia i Abraham najadi nanoa ri panggita nu Alatala? Naupu ia nisuna? Atau dopame ia nisuna? Natantu ia nireke nanoa dopame ia nisuna.