Roma 3:25 - Kaili Ledo

²⁵ Alatala nombadekei i Yesus Kristus rapatesi bo raaNa natiti. Ia nihuku raposompo dosa manusia. Jadi lako ri raaNa natiti, dosata namala raampungi ane kita nomparasaya i Yesus. Tempo nggaulu, Alatala nompalamba dosa manusia. Ledo nihukuNa sabana posabaraNa. Tapi ane ledo rahukuNa dosata, tantu Ia ledo nanoa. Jadi ante kamate i Yesus, Alatala nompopakita kanoaNa.

Roma 3:25 Referans Kwoze

1 Yohanes 4:10

Povia nu Alatala haitu nompopaisani tove nakana ka kita. Iveimo tove nakana: ledo kita nokolu nompotove Alatala tapi Alatala nokolu nompotove kita. Ia nompotove kita sampe nituduNa AnaNa mboto tumai mamate mombasambei kita ala dosata namala raampungi.

1 Yohanes 2:2

I Yesus namate nombatanggu dosa-dosata. Bo ledo aga dosata nitangguNa, tapi pura-pura dosa manusia.

Roma 5:9

Kita najadi nanoa ri panggita nu Alatala sabana raa i Yesus anu namate mombasompo dosata. Jadi, natantumo i Yesus mombakabasaka kita lako ri pehuku nu Alatala anu makava ngena.

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Ibrani 10:4

Sabana, raa lako ri japi lakina bo tovau lakina ledo ntoto nompakalali dosa.

Pompakita 13:8

Pura-pura manusia nonturo ri dunia mombasomba binata haitu, haitumo pura-pura tona anu ledo nitulisi sangara riara Buku Katuvua dopame dunia nipajadi. Buku haitu naria nte Ana Bimba anu nipatesi.

Ibrani 11:7

Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

Pompakita 5:9

Totua-totua gahaitu nodade sanggayu dade nabaru ka Ana Bimba ivei: “Komiumo masipato mangala sura haitu bo mombabuka populuna. Sabana, Komiu nipatesi bo ante raa nggamateMiu haitu nitoloMiu manusia lako ri njumangu dunia majadi todea nu Alatala, haitumo tona lako ri pura-pura ngata, bo lako ri pura-pura valaa bo tona lako ri mpengaya-ngaya basa ri dunia.

Ibrani 11:14

Tona notesa ivesia nompakalanto ira da nangelo ponturo majadi bagiara mboto.

1 Yohanes 1:10

Tapi ane raulita ledo sanggania kita novia dosa, haitu nasimbayu ante nompopodava Alatala. Kita aga nombasapuaka tesaNa, bo ledo ntoto nipariarata.

Ibrani 11:17

Lako ri pomparasaya i Abraham, ia nasadia nombadekei anana i Ishak majadi pesomba ka Alatala tempo pomparasayana niuji nu Alatala. Bara ipia Alatala nojanji ka i Abraham ivei: “Lako ri Ishakmo iko manggava muli nijanjiKu ka iko.” Tapi naupa ivesia, i Abraham nasadia mombasambale i Ishak, anana saito-itona, majadi pesomba ka Alatala.

Ibrani 9:5

Bo ri bavo nu Peti Pojanji haitu naria randua anu nipovia nolenje mpo malaeka anu niuli Kerub. Kerub haitu tandana karia nu Alatala hamai. Kapira nantaungo potutui nu Peti haitu anu niuli ponturo pantolo dosa. Tapi haitu pura-pura ledo paraluu ratentei pakalanto ri sii.

1 Timotius 1:15

Naria tesa nanguli ivei: “I Yesus Kristus nakava ri dunia ala mompakasalama tona nadosa.” Tesa haitu nakana bo masipato ratarimata bo raparasayata mpuu. Bo yakumo nelabipa nadosa pade pura-pura tona ntanina.

Roma 5:11

Bo ledo aga haitu. Nadamba rarata sabana posangu rarata nte Alatala, anu nirasaita sabana anu nipovia nTuputa Yesus Kristus. Apa lako nte i Yesus Kristus kita nipoposinggabelo nte Alatala.

Roma 3:26

PatujuNa, ala sii-sii rasani ntona Ia nanoa, apa nihukuNamo dosata ante kamate i Yesus. Jadi nisanita Ia nanoa bo nisanita muni Ia nompakule nompakanoa topomparasaya i Yesus.

Roma 2:4

Alatala mpuu-mpuu nabelo raraNa, Ia nosabara, bo ledo nasalisa nombahuku dosa-dosamiu. Tapi nipandaentemiu kabelo raraNa. Ledo nisanimiu? Alatala nabelo nte komiu sabana Ia madota komiu majea lako ri dosamiu.

Suro-Suro 4:28

Ira nasintuvu nompatesi i Yesus. Tapi kakanana anu nipoviara aga nompakadupa anu nipakatantuMiu mami lako ri pamulana nangoseaka kuasaMiu bo dotaMiu.

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.

Suro-Suro 15:18

anu nompopaisani patujuNa lako nggauluname.” Amos 9:11-12

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Yohanes 6:47

Pariaramo tesaKu hitu, isema-sema nomparasaya Yaku, matuvu mabelo sampe ri kasae-saena.

Suro-Suro 14:16

Tempo nggaulu, Alatala nompalamba manusia natuvu nangoseaka dotara mboto.

Roma 5:18

Jadi, lako ri dosa i Adam sampe pura-pura manusia masipato rahuku sabana dosara. Tapi i Yesus nangoseaka dota nu Alatala bo lako ri anu nipoviaNa, pura-pura manusia mamala majadi manoa ri panggita nu Alatala bo manggava katuvua mabelo.

1 Korintus 5:7

Jadi tedeakamo ragi njaena, haitumo suvurakamo tona nokainggu nadaa, ala komiu majadi todea magasa nasimbayu mpo gando nabaru dopa nambela ragi. Bo komiu nagasa mami, apa i Kristus nipatesi mombasompo dosata nasimbayu mpo ana bimba nipatesi ri Posusa Paskah ntoYahudi.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Efesus 1:7

Kita nikabasaka lako ri pehuku nu dosa sabana raa kamate i Kristus bo posangu rarata nte Ia. Dosata niampungi nu Alatala sabana toveNa anu nelabi kaogena.

Efesus 2:13

Tapi sii-sii domo mpo bara ipia, sabana komiu nosangu raramo ante i Yesus Kristus. Bara ipia komiu nakavao lako nte Alatala, tapi sii-sii komiu nipakapara ante Ia sabana raa lako ri kamate i Kristus.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.