Roma 3:11 - Kaili Ledo

¹¹ Ledo ria saitoa tona nombapaha pepatuduki nu Alatala, bo ledo muni naria saitoa anu nangelo posisani nte Alatala.

Roma 3:11 Referans Kwoze

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.

Roma 8:7

Ane pekiri ntona nikuasai nu dota rara nadaa, ira nangeva Alatala. Ledo nioseakara parentaNa sabana ledo nipakulera.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Roma 1:28

Tona gahaitu ledo nadota mosisani ante Alatala. Jadi Alatala nompalamba ira rakeniaka mpekirira nadaa sampe ira novia anu ledo masipato rapoviara.

Roma 1:22

Pangulira iramo tonoto pekiri, tano aga todoyo!

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Roma 3:10

Evamo nitulisi riara Buku Gasa ivei: <

Roma 3:12

Pura-pura tona nasalandala lako ri dala nakana, katuvura domo ria gunana. Ledo ria tona nokainggu nabelo, nau saitoa ledo ntoto ria. Mazmur 14:1-3, 53:1-3