Roma 2:18 - Kaili Ledo

¹⁸ Nisanimiu dota nu Alatala bo nisanimiu nompelisi anu nabelo sabana komiu nipatuduki ante Atura-atura agama.

Roma 2:18 Referans Kwoze

1 Tesalonika 5:21

Pekirikamo pakabelo-belo tesa-tesa haitu, ala rasanimiu bara lako nte Alatala mpuu bara ledo bo oseakamo anu nabelo.

Yakobus 4:17

Ane nisanita anu nabelo paraluu rapoviata, tapi ledo nipoviata, kita nadosa.

Filipi 1:10

Ane ivesia komiu, rasanimiu mompelisi anu nabelopa rapoviamiu, bo katuvumiu majadi magasa bo ledo maria salamiu sampe i Kristus makava mpanjili.

Ibrani 5:14

Tapi kandea nakaa aga nikande ntona nambasomo, haitumo tona nipakabiasamo karona mompoposisala anu nabelo bo anu nadaa.

Roma 15:4

Pura-pura anu nitulisi riara Buku Gasa nggaulu nitulisi mompatuduki kita. Lako ri pepatuduki nikavata ri Buku Gasa kita majadi mosabara riara kasusa bo rarata rapakaroso ala kita maroo manjarumaka Alatala.

Yohanes 13:17

Hitupa nisanimiumo pepatuduki hitu. Jadi mabelo mpuu komiu ane raoseakamiu pepatuduki hitu.

Lukas 12:47

Ane batua nisanina dota nu madikana, tapi ledo nainga bo ledo nipoviana dota nu madikana, ia kana rajeani pakandasa.

Lukas 1:4

Nitulisiku buku hitu, ala rasanimiu anu nipatuduki ka komiu mpuu-mpuu nakana.

Roma 2:19

Niulimiu komiumo natau nanggeni tona anu dopa nisanira pepatuduki nakana. Niulimiu komiumo natau nanggeni tona natuvu riara kalandana anu dopa nosisani nte Alatala.