Roma 2:10 - Kaili Ledo

¹⁰ Tapi pura-pura tona nokainggu nabelo kana ratoiya bo rabila bo manggava katuvu nabelo lako nte Alatala, pamula-mulana toYahudi bo muni tona ntanina,

Roma 2:10 Referans Kwoze

1 Petrus 1:7

Patuju nu pesori-pesori haitu ala rasani kaliangu pomparasayamiu. Bulava nigonu ante apu ala rasani bara maria galona bara ledo. Pomparasayamiu noalipa pade bulava anu namala magero. Jadi pomparasayamiu kana rapesori muni ante mpengaya pesori. Bo ane pomparasayamiu mpuu-mpuu maliangu, komiu ratoiya bo rabila bo rapakaoge tempo i Yesus Kristus makava mpanjili ri dunia.

Yakobus 3:13

Ane maria nte komiu tona nabelo pekirina bo nanoto rarana, ia kana mompopakita notona ante pokaingguna nabelo. Noto pompekirina haitu kana rapopakitana ante pokainggu nabelo anu neumba lako ri kaede rarana, mpo masipato ka tona nanoto rarana.

Roma 8:6

Ane pekirira nikuasai dota rara nadaa, ira mamate bo rapopogaa lako nte Alatala. Tapi ane pekirira nikuasai nu Nosa Gasa nu Alatala, ira matuvu mabelo bo mosinggabelo ante Alatala.

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

Yakobus 2:22

Lako rahaitu nisanita pomparasaya Nabi Abraham nasinggeni ante pokaingguna, bo pokaingguna haitu nompakalanto ia mpuu-mpuu nomparasaya.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

Roma 2:9

Isema-sema nokainggu nadaa kana mandasa bo mombarasai kasusa, pamula-mulana toYahudi bo muni tona ledo toYahudi.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

Filipi 4:7

Bo ane radekeimiu kakini raramiu ka Alatala, radekeiNa katinonto ka komiu anu ledo rapakule nu manusia mompahana. Ia mompakatinonto raramiu bo pekirimiu sabana komiu nosangu rara ante i Yesus Kristus.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Roma 15:13

Alatala mpuu-mpuu puna panjarumakata! Kuperapi Ia mompakadamba mpuu raramiu bo mombadekei ka komiu katuvua mabelo sabana komiu nomparasaya Ia. Kuperapi panjarumakamiu nte Ia mantambai maroso ante kuasa lako ri Nosa GasaNa.

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

Roma 9:23

Ia nosabara nte ira ala mompopakita kambaso nu kaogeNa ka kita anu nipoasiNa bo nipasadiaNa mami lako ri nggauluname manggava bagia ri kaogeNa.

Roma 9:21

Natantu topomandu kura nakuasa momandu tana lei nangoseaka dotana mboto. Lako ri salemo tana lei, mamala ramanduna rongaya kura, sangu kura nagaya bo sangu kura biasa.

Suro-Suro 10:35

Isema-sema natundu nte Alatala bo novia anu nanoa, tona haitumo nitarima nu Alatala. Alatala ledo nompelisi tona lako ri umba.

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Lukas 22:14

Nakavamo tempo mangande kandea Posusa Paskah haitu, i Yesus nangande singgani-nggani ante anaguruNa ri banua haitu.

Lukas 19:42

NiuliNa, “Pakasi ranga! Mabelo mpuu ane eo hitu rasanimiu, anu manggeni katuvu mabelo ka komiu. Tapi hitupa nitabuniaka ka komiu, domo rasanimiu.

Lukas 12:37

Nabelo mpuu batua haitu ane manjili madikara bo rakavana ira da nemata! Pariaramo! Madika haitu mompasua baju pokarajaa bo ratuduna ira monturo, bo ia mboto mombasondu kandea ka ira!

Lukas 9:48

bo niulikaNa ira, “Isema-sema nantarima ngana hitu sabana pomparasayana Yaku, nasimbayu mpo nitarimana muni Yaku. Bo isema-sema nantarima Yaku, nitarimana muni Alatala anu nantudu Yaku. Jadi isema-sema naede rarana, iamo nalangapa panggana ri panggita nu Alatala.”

Matius 10:13

Ane mabelo rara ntupu banua haitu bo ratarimara komiu, belo niperapimiu lako nte Alatala kana mambela nte ira. Tapi ane ledo mabelo rarara bo ledo ratarimara mabelo komiu, belo niperapimiu ka ira haitu ledo mambela nte ira.

1 Petrus 5:4

Bo tempo i Kristus, Topoevu Nopoko, makava mpanjili ri dunia, radekeiNa ka komiu tambo, haitumo bagia ri kuasaNa bo kaogeNa anu ledo maupu-upu.

Yohanes 14:27

Katinonto rara Kudekei ka komiu, haitumo katinonto nu raraKu mboto. Bo anu Kudekei ka komiu haitu ledo nasimbayu nte anu nidekei nu dunia nadaa ka komiu. Jadi nee masusa raramiu, nee maeka.

1 Timotius 1:17

Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

Ibrani 2:7

Komiu nomparitambe manusia sampalai lako ri malaeka. Komiu nompakaoge manusia bo nombadekei nturo nibila ka ira.