Roma 16:4 - Kaili Ledo

⁴ Ira sakidepa namate nantulungi yaku. Yaku nosukuru nte ira, bo ledo aga yaku, tapi pura-pura todea topomparasaya anu ledo toYahudi.

Roma 16:4 Referans Kwoze

1 Yohanes 3:16

Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.

Filipi 2:30

apa sakidepa namate ia nompapola pokarajaa i Kristus. Ledo ntoto nipekirina katuvuna mboto sabana ia madota manjambei komiu mantulungi yaku ri sii.

1 Tesalonika 2:14

Sampesuvu-sampesuvu, nisani kami Alatala nokarajaa riara nggatuvumiu apa pepandasa nirasai ntodea nu Alatala anu nomparasaya i Yesus Kristus ri bagia Yudea, nirasaimiu munimo. Komiu nipandasa roamiu sangata, nasimbayu mpo pepandasa roara simbo toYahudi anu ledo nomparasaya i Yesus.

1 Korintus 16:1

Kapolana, sampesuvu-sampesuvu, kutesa doi rapasiromumiu mombatulungi sampesuvuta sampomparasaya napakasi ri ngata Yerusalem. Kana rapoviamiu mpo niparentaku ka todea topomparasaya ri ngata Galatia.

1 Korintus 7:17

Pura-pura tona kana matuvu nangoseaka pantuu i Pue Yesus ka ia. Pura-pura kana matuvu batena mpo tempo ia nipokio nu Alatala momparasaya i Kristus. Haitumo atura nipatudukiku ka pura-pura topomparasaya.

Roma 5:7

Nakura nikavata tona nasadia mamate manjambei roa anu ledo nasala pokaingguna. Ane roana tona nabelo mpuu, bara maria nte saito masadia mamate manjambei ia.

Suro-Suro 16:5

Jadi ivesiamo pomparasaya ntopangoseaka i Yesus nipakaroso, bo eo-eo nantambai kadea ntopomparasaya.

Suro-Suro 15:41

Ira nombalintiku pura-pura propinsi Siria bo Kilikia. Nipakarosora pomparasaya ntopangoseaka i Yesus hamai.

Yohanes 15:13

Ane saito tona mamate manjambei vega-vegana, ia mpuu-mpuu nompotove vegana haitu. Ledo ria pepotove naogepa pade haitu.

Pompakita 1:4

Sampesuvu-sampesuvu sampomparasaya anu nonturo ri pitu ngata ri propinsi Asia. Yaku i Yohanes, merapi komiu mantarima katinonto bo belo lako nte Alatala anu nariamo lako ri lamba pamulana, bo naria sii-sii, bo maria sampe ri kasae-saena. Bo kuperapi ratarimamiu belo bo katinonto lako nte papitu Nosa nu Alatala anu naria ri ngayo Gadera Kamagaua nu Alatala,

Suro-Suro 9:31

Jadi todea topangoseaka i Yesus ri njumangu bagia Yudea, Galilea bo Samaria domo nipandasa. Kasae-sae kadea-dea tona nomparasaya i Yesus, bo todea topomparasaya nantambai karoso pomparasayara sabana ira natundu nte Alatala, bo sabana Nosa Gasa nantulungi ira.

Suro-Suro 15:26

I Paulus bo i Barnabas mai, ledo natove rarara nte katuvura mboto, nau rapatesi ntona, ira bate-batena mokarajaa ka Tuputa Yesus Kristus.

Roma 16:3

Pakavote tabeku ka i Priskila bo i Akwila. Ira njamboko roaku sampokarajaa nanggeni Kareba Belo i Yesus Kristus.

Roma 16:5

Pakavote muni tabeku ka todea topomparasaya anu nodade ri banuara. Pakavote tabeku ka i Epenetus nipotoveku. Iamo tona paratama nomparasaya i Yesus Kristus ri propinsi Asia.