Roma 16:2 - Kaili Ledo

² Kuperapi komiu mantarima ia sabana pomparasayana i Pue Yesus, apa ivesia mamimo kita todea nu Alatala masipato mantarima roata sampomparasaya. Ane maria anu niparaluuna, tulungimo ia, sabana ia mboto nadea tona nitulungina, yakumo hii saito.

Roma 16:2 Referans Kwoze

Filipi 2:29

Jadi tarimamo ia ante madamba apa ia sampesuvuta sampomparasaya. Bo bilamo pura-pura tona nokarajaa mpo ia

Filipi 1:27

Jadi, nau bara nuapa majadi nte yaku, komiu kana matuvu ante pokainggu masipato ka topangoseaka Kareba Belo i Kristus. Komiu kana matuvu ivesia ala nau kita mosinggava atau ledo, kuepe karebana komiu naroo nosangu rara bo nosangu pekiri bo singgani-nggani nompasimbuku nokarajaa ala madea tona momparasaya Alatala nangoseaka anu niuli riara Kareba Belo.

2 Yohanes 1:10

Jadi, ane makava tona nte komiu mompatolele pepatuduki nosisala ante pepatuduki i Kristus, nee ratarimamiu tona haitu riara banuamiu. Nee rakadambanakamiu ira,

Filemon 1:17

Jadi, ane nirekemu yaku roamu sampomparasaya, kuperapi nte iko, tarima mpanjilimo i Onesimus nasimbayu mpo pantarimamu yaku.

Filemon 1:12

Yaku mpuu-mpuu nompotove i Onesimus, bo sii-sii nituduku ia manjili tou nte iko.

Titus 2:3

Ivesia muni ante totua-totua mombine. Patudukimo ira matuvu nte pokainggu nagasa anu masipato rapovia ntona natundu nte Alatala. Ulika ira nee mombatunturaka tona ntanina, nee sampe majadi batua ntule. Ira kana mompatuduki tona ntanina matuvu mabelo.

2 Timotius 1:18

Nisanimu nadea mpuu petulungina ka yaku ri ngata Efesus. Kuperapi i Pue Yesus mompoasi i Onesiforus ri Eo Potangara ri kaupu nu dunia.

1 Timotius 2:10

Aginapa mombine mombavera karora ante pokainggu nabelo anu masipato ka mombine anu natundu nte Alatala.

Kolose 4:10

Tabe lako nte i Aristarkhus anu nosanggani ante yaku nitarunggu ri sii. Bo tabe lako nte i Markus sampesuvu i Barnabas. Toramo anu nitevaiku ka komiu bara ipia: ane ia tou nte komiu ri situ, tarimamo ia ante mabelo.

Efesus 5:3

Komiu todea nu Alatala. Jadi ledo ntoto masipato komiu mosipogau ante tona ledo bereimiu mboto, atau mokainggu nabuga, atau mario mata bo ledo ria kabasa-basana. Nee sampe maria sabana raraika ntona komiu nokainggu ivehaitu.

Roma 16:23

Tarima muni tabe lako nte i Gayus. Yaku i Paulus, nipalogana nonturo ri banuana, bo topomparasaya ri sii muni biasa nasiromu nodade ri banuana. Tarimamo tabe lako nte i Erastus, topompasiayu doi ri ngata hitu. Bo tarima muni tabe lako nte sampesuvuta i Kwartus.

Roma 16:9

Pakavote tabeku ka i Urbanus, roata sampokarajaa nompatolele Kareba i Kristus. Bo pakavote tabeku ka i Stakhis nipotoveku.

Roma 16:6

Bo pakavote muni tabeku ka i Maria. Ia nokarajaa ntamo ka komiu.

Roma 15:7

Jadi sampesuvu-sampesuvu, kita kana mositarima belo, nasimbayu mpo i Kristus nantarima kita. Ane mositarima belo kita, Alatala rabila bo ratoiya ntona.

Suro-Suro 9:41

Bo i Petrus nanggangisi palena nantulungi ia meangga. Naupu sia i Petrus nompokio timbala-timbala pangane bo topomparasaya ri sia bo niulikana ira, “Siimo roamiu, natuvu mpanjilimo ia.”

Suro-Suro 9:39

Nangepe tesa ntona randua haitu, haumo i Petrus nantuntuni ira hau ri ngata Yope. Nakava ri sia, ia nikeni hau ri tombi ri kalangana haitu. Pura-pura timbala notumangi nantagui i Petrus bo nipopakitara ka ia baju-baju bo pakea nidau i Tabita ka ira tempo ia da natuvu.

Suro-Suro 9:36

Napara ngata Lida naria ngata ntanina nosanga Yope. Ri ngata Yope naria saito mombine topangoseaka i Yesus, sangana i Tabita. (Riara basa Yunani sangana i Dorkas, batuana “rusa”.) Pokaingguna nabelo, bo ia nasaro nantulungi tona napakasi.

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Suro-Suro 9:13

Nesanamo i Ananias, “Pue, niepeku nadea tona notesa i Saulus haitu. Niulira nadea mpuu todeaMiu nipandasana ri ngata Yerusalem

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Roma 16:15

Pakavote tabeku ka i Filologus bo i Yulia, i Nereus bo sampesuvuna mombine, bo ka i Olimpas bo ka pura-pura topomparasaya nosanggani-nggani nte ira.