Roma 14:3 - Kaili Ledo

³ Tona nangande mpengaya-ngaya kandea ledo masipato momparitambe tona ledo nangande bau. Bo tona ledo nangande bau, ledo muni masipato manjalai tona nangande mpengaya-ngaya kandea. Sabana topangande mpengaya-ngaya haitu muni nitarima nu Alatalamo majadi todeaNa.

Roma 14:3 Referans Kwoze

Roma 14:10

Jadi, nee rapakasala roa-roamiu sampomparasaya. Bo nee raparitambemiu ira. Apa kita pura-pura kana mantingayo Alatala bara maipia bo Ia mombatangara kita pura-pura.

Lukas 18:9

I Yesus notesa porapa hitu ka tona nompekiri iramo tona nabelo bo nompandaente tona ntanina.

Roma 14:13

Jadi, nemo raposipakasalata. Agina kita mompasimbuku nemo rapoviata nuapa-nuapa anu mompakeni roata sampomparasaya manavu riara dosa.

Suro-Suro 10:34

Naupu haitu i Petrus nanguli ka ira, “Sampesuvu-sampesuvu, hitupa nisanikumo Alatala ledo nompelenje nanggita manusia.

Roma 14:21

Agina domo mangande bau atau manginu panginu anu nepakalangu atau movia nuapa-nuapa anu mompakeni roata manavu riara dosa.

Roma 14:15

Ane rapana yaku mompakadua rara roaku sampomparasaya sabana nikandeku anu nirekena nipopali, yaku muni madosa apa yaku natuvu ledo nompotove roa. Jadi nee sampe pomparasaya nu roa rapakagero sabana kandea nikandeta. Apa ira muni sampesuvuta sampomparasaya, anu nitoloki i Kristus ante kamateNa.

Matius 18:10

Jadi pakabelo-belo, nee mompandaente ngana kodi eva ngana hitu. Sabana Kuuli ka komiu, malaeka-malaeka anu nombajagai ira, bate-batena naria ri ngayo nTuamaKu ri suruga.

Suro-Suro 10:44

Da notesa i Petrus, nanaumo Nosa Gasa nu Alatala bo nombakuasai pura-pura topangepe tesa haitu.

Matius 9:14

Naupu sia, bara sako-ndua topangoseaka i Yohanes Topediu nakava nte i Yesus. Nekutanamo ira, “Kami bo toFarisi nasaro nopuasa nangoseaka ada-ada agamata. Nuapa sabana anaguruMiu ledo nopuasa?”

Suro-Suro 28:2

Tona nonturo ri levuto haitu najole mpuu nte kami. Nikadambanakara kami pura-pura ante belo bo nipanakira apu rapanderu kami, sabana naranindi bo nompamulamo nauda.

Roma 11:15

Apa tempo Alatala nompoara toYahudi, dala nibuka ka pura-pura tona ntanina ri dunia rapoposinggabelo mpanjili ante Alatala. Jadi nelabipa kabelona ane toYahudi ratarima nu Alatala mpanjili! Apa kajadia haitu masimbayu mpo tona namate matuvu mpanjili!

Roma 14:1

Naria topomparasaya dopa naroso pomparasayara, sampe da naingu rarara pokainggu mbana raoseakara. Tona ivehaitu kana ratarimata ante nabelo, bo nee rapakasala panggavara.

Roma 15:7

Jadi sampesuvu-sampesuvu, kita kana mositarima belo, nasimbayu mpo i Kristus nantarima kita. Ane mositarima belo kita, Alatala rabila bo ratoiya ntona.