Roma 14:21 - Kaili Ledo

²¹ Agina domo mangande bau atau manginu panginu anu nepakalangu atau movia nuapa-nuapa anu mompakeni roata manavu riara dosa.

Roma 14:21 Referans Kwoze

1 Korintus 8:13

Jadi, sampesuvu-sampesuvu, ane kandea anu nikandeku mompakagero pomparasaya nu sampesuvuku, domo kukande kandea haitu ala nee yaku mompakagero pomparasayana.

Roma 14:13

Jadi, nemo raposipakasalata. Agina kita mompasimbuku nemo rapoviata nuapa-nuapa anu mompakeni roata sampomparasaya manavu riara dosa.

Matius 16:23

Tapi i Yesus neili bo nanguli ka ia, “Palaimo lako ri sii, Magau Seta! Iko, Petrus, aga nombabonto Yaku ala ledo Kuoseaka dota nTuamaKu! Pekirimu tutu pekiri nu manusia, ledo pekiri lako nte Alatala!”

Pompakita 2:14

Tapi da nariapa bara sako-ngaya inggumiu anu ledo nipodambaKu. Naria tona nte komiu nangoseaka pepatuduki i Bileam nggaulu. I Bileam nompatuduki Magau Balak mompakanavu toIsrael riara dosa. Nipatudukina ia mompakeni ira mangande kandea nipopali sabana nipakande ka tupu-tupu ntanina, bo nompatuduki ira ledo makuya mosipogau nte tona ledo bereina mboto.

Ibrani 12:13

Osemo dala nalumbu ala kadamiu nakejo ledo matepakodu, tapi maroso mpanjili.

Filipi 1:10

Ane ivesia komiu, rasanimiu mompelisi anu nabelopa rapoviamiu, bo katuvumiu majadi magasa bo ledo maria salamiu sampe i Kristus makava mpanjili.

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

Matius 13:21

Tapi ledo naroso pomparasayara, nasimbayu eva tuda-tuda ledo naroso pokalena. Tempo ira nipandasa bo nipakasusa sabana nomparasaya Tesa haitu, kaliu-liu nouramo pomparasayara.

1 Korintus 8:9

Tapi sampesuvu-sampesuvu, pakabelo-belo! Nau nisanimiu ledo makuya mangande kandea haitu, nee sampe tona anu dopa naroso pomparasayana rapakenimiu mangande kandea haitu, sampe ia manavu riara dosa.