Roma 13:8 - Kaili Ledo

⁸ Nee kita moinda nte tona ntanina, tapi kita kana batena mosimpotove. Aga haitu inda masipato ka kita. Apa isema-sema nompotove singgamanusiana, nireke nioseakanamo pura-pura Atura agama.

Roma 13:8 Referans Kwoze

Roma 13:10

Isema-sema mompotove singgamanusiana, natantumo ledo rapoviana anu nadaa ka ira. Jadi ane nipotoveta singgamanusiata, nireke nioseakata puramo Atura agama.

Galatia 5:14

Naria parenta nanguli ivei: “Potovemo singgamanusiamiu nasimbayu mpo pompotovemiu karomiu mboto.” Ane raoseakamiu parenta sangu hitu, nasimbayu mpo nioseakamiu pura-pura Atura agama.

Matius 7:12

“Jadi nuapa-nuapa rapodotamiu rapovia ntona ka komiu, ivesia muni rapoviamiu ka tona. Sabana parenta haitumo isi nu Atura agama bo pepatuduki nu nabi-nabi nggaulu.

Roma 13:7

Dekei ka pura-pura tona anu masipato radekei ka ira. Bayarimo balasitee ka tona nipakatantu mantarima balasitee. Bo bayarimo bea ka tona nipakatantu mantarima bea. Pekoumo nte tona anu masipato rapekou, bo bilamo tona masipato rabila.

Yakobus 2:8

Nabelo pokaingguta ane nioseakata atura nu Magauta anu nibacata riara Buku Gasa ivei: “Potovemo roamiu nasimbayu mpo pompotovemiu karomiu mboto.”

Kolose 3:14

Tapi nelabipa pade pura-pura pangane, kita kana mosimpotove. Sabana, ane kita todea topomparasaya nosimpotove, kita mpuu-mpuu nosangu rara.

Yohanes 13:34

Naria parenta nabaru Kudekei ka komiu ivei: Komiu kana mosimpotove. Yaku nompotove komiu, ivesia muni komiu kana mosimpotove.

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

1 Yohanes 3:10

Hitumo posisalana ana-ana nu Alatala bo ana-ana Magau nu Seta: isema-sema ledo novia dota nu Alatala bo ledo nompotove sampesuvuna, ia ledo ana nu Alatala.