Roma 12:16 - Kaili Ledo

¹⁶ Komiu kana matuvu mosintuvu nte roa. Nee malanga raramiu tapi komiu kana masadia mosimporoa ante tona naede katuvuna. Nee rapekiri karomiu napandepa pade kakanana.

Roma 12:16 Referans Kwoze

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.

Ibrani 13:5

Nee mompotove doi gaga sampe komiu aga natuvu mangelo doi. Tapi kana maosa raramiu ante anu naria nte komiu. Apa Alatala mboto nanguli ivei: “Ledo ntoto Kupalaisi iko.”

Roma 15:5

Alatala anu nompakaroso rarata bo nompakatetida rarata tempo kita nombarasai kasusa. Sia sampe kuperapi Alatala mombatulungi komiu matuvu mosinggabelo nte roa riara pangoseakamiu i Yesus Kristus,

Roma 12:3

Lako ri kabelo rara nu Alatala, yaku nianggatakaNa majadi suroNa. Jadi sia sampe kuuli ka komiu pura-pura, Nee rapekirita karota mboto naoge ane ledo ivesia kakanana. Kita kana manoa bo manoto mompekirika karota mboto, nangoseaka suka pomparasaya nibagi nu Alatala ka kita saito-saito.

1 Korintus 3:18

Nee mombabagiu karomiu mboto! Ane maria nte komiu tona nompekiri karona mboto napande ri panggita nu manusia, agina ia majadi madoyo ri panggita nu manusia ala ia mpuu-mpuu majadi mapande.

2 Korintus 13:11

Jadi sampesuvu-sampesuvuku, pakadambamo raramiu. Pasimbukumo mompakabelo pokainggumiu mpanjili. Tarimamo pepatudukiku hitu! Komiu kana matuvu mosangu pekiri bo mosangu rara, bo mosinggabelo. Bo Alatala, puna pepotove bo katinonto, mosanggani-nggani ante komiu.

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Lukas 14:13

Ane komiu movia posusa, gagamo tona napakasi, tona nakeru, tona napunggu bo tona naburo.

1 Korintus 8:2

Isema-sema nompekiri nadeamo nisanina, kakanana dopa nisanina mpuu anu masipato rasanina.

1 Korintus 6:5

Niuliku ivesia ala maeya matamiu. Kakanana suga mariamo nte saito komiu nanoto anu nompakule mombatangara parakaramiu simbo topomparasaya.

Filipi 4:2

Sampesuvuku i Euodia bo sampesuvuku i Sintike, yaku mpuu-mpuu merapi ala komiu mosangu rara anu masipato ka topomparasaya i Pue Yesus.

1 Korintus 4:10

Kami nireke ntona todoyo sabana kami nangoseaka i Kristus. Tapi nangoseaka pekirimiu, komiumo topomparasaya nanoto! Kami nireke ntona nalente tapi nangoseaka pekirimiu, komiumo naroso! Kami nisalai ntona tapi komiu nitoiya ntona!

Lukas 6:20

I Yesus nangganoto ana-anaguruNa bo niulikaNa, “Nabelo mpuu komiu tona napakasi, sabana komiumo majadi todea riara Poparenta nu Alatala.

Matius 26:11

Apa tona napakasi bate-batena maria ri tatangamiu, tapi Yaku ledo.

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

1 Petrus 5:3

Bo nee damo dota-dota mompatundu topomparasaya anu niparasayaka komiu, tapi nabelopa komiu majadi jonjo anu masipato rapasialara.

Filipi 3:16

Tapi anu nisanitamo kana batena raoseakata.

Filipi 1:27

Jadi, nau bara nuapa majadi nte yaku, komiu kana matuvu ante pokainggu masipato ka topangoseaka Kareba Belo i Kristus. Komiu kana matuvu ivesia ala nau kita mosinggava atau ledo, kuepe karebana komiu naroo nosangu rara bo nosangu pekiri bo singgani-nggani nompasimbuku nokarajaa ala madea tona momparasaya Alatala nangoseaka anu niuli riara Kareba Belo.

1 Korintus 1:10

Sampesuvu-sampesuvu, ante kuasa nidekei nTuputa Yesus Kristus ka yaku, kuperapi nte komiu ala komiu mosangu rara. Nemo sampe magero sintuvumiu. Komiu kana masintuvu mosangu rara bo mosangu patuju.

Suro-Suro 4:32

Pura-pura topangoseaka i Yesus natuvu nosangu rara bo nosangu pekiri. Ledo ria saitoa nanguli mbara-mbarana anuna mboto. Anu naria ante ira, anura mpasanggani-nggani.

3 Yohanes 1:9

Nariamo sura nitulisiku ka topomparasaya hamai, tapi i Diotrefes ledo nadota nangoseaka tesaku. Patujuna, ia mboto majadi pakeni ntopomparasaya.

Roma 6:2

Tantu ledo! Ledo masipato kita bate-batena movia dosa, sabana namala raulita kita namate nosanggani ante i Kristus ala kita domo rakuasai nu dosa.

Roma 11:20

Haitu nakana mami, tapi toramo, ira nipoara sabana ira ledo nomparasaya, bo komiu nitarima sabana komiu nomparasaya. Jadi nee malanga raramiu, agina komiu maeka!