Roma 12:11 - Kaili Ledo

¹¹ Kana matutu mokarajaa, nee masanda! Kana madidi raramiu mokarajaa ka Tupu.

Roma 12:11 Referans Kwoze

Suro-Suro 18:25

Ia nipatuduki ntona sampe nisanina tesa i Pue Yesus. Jadi tempo ia nakava ri ngata Efesus, nitesana kareba i Yesus ante mpuu-mpuu rarana bo nambela mpuu tesana, nau dopa nisanina pura-pura pepatuduki i Yesus. Aga pombadiu i Yohanes Topediu nisanina.

1 Petrus 4:8

Tapi anu nelabi nopoko, komiu kana mpuu-mpuu mosimpotove. Apa ane kita mompotove roata, kita masadia muni mombaampungi tona ntanina.

Ibrani 12:28

Jadi haitu sampe kita masipato manguli tarima kasi nte Alatala, sabana Ia nombadekei loga ka kita majadi todea riara PoparentaNa bo PoparentaNa haitu ledo ntoto mogoya. Bo kita kana metupu nte Alatala ante cara nipodambaNa. Kita kana mekou nte Ia bo maeka movia anu ledo nipokonoNa.

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.

1 Petrus 1:22

Sampesuvu-sampesuvu, katuvumiu nipakagasamiu sabana komiu nangoseaka pepatuduki nakana. Haitumo sampe komiu namala nompotove sampesuvumiu sampomparasaya ante rara naliangu. Sabana haitu, posipotovemo ante rara mpuu-mpuu.

Suro-Suro 20:19

Yaku nokarajaa ri sii ka i Pue Yesus ante ede raraku bo nadea uve mataku. Nadea susa bo pari nirasaiku, sabana toYahudi nonia mompatesi yaku.

Matius 24:12

Tempo haitu kadaa ntona mantambai, sampe madea tona domo mosimpotove.

1 Timotius 5:13

Ledo aga haitu, timbala namuda bara aga majadi tosanda bo aga manjayo-njayo mompene ri sou ntona. Ia ledo aga majadi tosanda ia muni manggeni tesa bo mombagalo urusa ntona ntanina bo motesa mpengaya-ngaya anu nadaa anu ledo masipato ratesa.

Pompakita 2:4

Tapi naria sangaya inggumiu anu ledo nipodambaKu. Komiu domo nompotove Yaku mpo bara ipia tempo komiu dako nomparasaya.

Kolose 4:1

Sampesuvu-sampesuvu anu najadi tua. Komiu kana mokainggu masipato bo manoa nte batua-batuamiu. Toramo, komiu muni naria Tupumiu ri suruga!

1 Korintus 7:22

Toramo! Tona anu najadi batua tempo ia nipokio majadi topomparasaya i Yesus, naupa ia batua tapi nikabasaka i Pue Yesusmo ia lako ri dosana. Bo tona ledo nipobatua tempo ia nipokio nu Alatala, ia najadi mpo batua sabana ia nekou nte i Kristus.

Matius 25:26

Bo nanguli madika, ‘Iko batua nadaa bo nasanda! Nisanimu yaku nangala asele ntalua anu ledo potudaku, bo nosombe anu ledo posavuku.

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.