Roma 11:11 - Kaili Ledo

¹¹ Jadi, deanapa toYahudi nanavu sabana ira ledo nomparasaya. Tapi nee rapekirimiu ira nanavu sampe ri kasae-saena! Ledo ivesia patuju nu Alatala! Lako ri pesapuaka ntoYahudi haitu, tona ledo toYahudi nanggava loga momparasaya bo rapakasalama. Kaupuna, toYahudi masiriati manggita ira apa ira muni madota rapakasalama.

Roma 11:11 Referans Kwoze

Roma 11:31

Ivesia muni toYahudi. Sii-sii ira ledo natundu nte Alatala ala komiu rapoasiNa bo raampungiNa. Tapi makava tempona bara maipia, ira muni rapoasi nu Alatala nasimbayu mpo komiu.

Roma 11:12

Deanapa toYahudi nesapuaka bo nompoara i Kristus. Sabana haitu, nadea tona ledo toYahudi nanggava belo lako nte Alatala. Jadi, ane tona ntanina nanggava belo sabana pesapuaka ntoYahudi, nemopa ane toYahudi majea bo momparasaya! Natantu melabi kadea belo rakavara.

Roma 10:19

Jadi berimbamo? Dopa nisani ntoYahudi batuana Kareba Belo? Natantu nisaniramo! Pamula-mulana naria tesa nu Alatala nipasimbayu Nabi Musa ivei: <> Ulangan 32:21

Roma 11:14

Apa nisarumakaku maria sanu sampesuvuku toYahudi masiriati manggita komiu, sampe ira muni mamala kukeni momparasaya i Yesus bo rapakasalama.

Suro-Suro 18:6

Tapi aga nievara bo nisalaira i Paulus. Jadi i Paulus nombavurenggenaka pakeana, tandana ia mompalaisi ira sabana nipoarara tesana. Niulina, “Ane komiu rahuku nu Alatala, salamiu mboto, ledo salaku! Mompamula sii-sii yaku hau mompatolele Tesa nu Alatala ka tona ledo toYahudi!”

Roma 11:1

Jadi, berimbamo? Alatala nompoara todeaNa toYahudi? Natantumo ledo! Apa yaku mboto toYahudi, muli i Abraham, bo lako ri valaa i Benyamin.

Suro-Suro 13:42

Naupu sia, nesuvumo i Paulus bo i Barnabas lako ri banua petupu bo niperapi ntodea ala manjili vai ira ri eo penonto meonga mompapola anu nitesara pangane.

Lukas 20:16

Natantu rapatesina pura-pura ira, bo radekeina taluana ka tona ntanina mojampangina.” Topangepe porapa haitu nanguli ka i Yesus, “Nee mpuu sampe majadi ivehaitu!”