Roma 1:7 - Kaili Ledo

⁷ Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

Roma 1:7 Referans Kwoze

Efesus 1:2

Kuperapi Tuamata Alatala bo i Yesus Kristus bate-batena mabelo nte komiu bo mompakatinonto raramiu.

1 Tesalonika 1:1

Sampesuvu-sampesuvu sampomparasaya ri ngata Tesalonika, todea nTuamata Alatala bo Tuputa i Yesus Kristus: Sura hitu lako nte kami tatalu, i Paulus, i Silas, bo i Timotius. Kami nerapi Alatala bate-batena mabelo nte komiu bo mompakatinonto raramiu.

2 Yohanes 1:3

Tuamata Alatala bo i Yesus Kristus, Ana nu Alatala, mombadekei belo ka kita bo mompoasi kita bo mompakatinonto rarata. Haitu bagiata sabana kita nangisani pepatuduki nakana bo nosimpotove.

Filemon 1:3

Kuperapi Tuamata Alatala bo Tuputa Yesus Kristus mombadekei belo ka komiu bo mompakatinonto raramiu.

2 Tesalonika 3:18

Kuperapi Tuputa Yesus Kristus bate-batena mabelo nte komiu pura-pura. Tabe lako nte yaku, Paulus

2 Tesalonika 3:16

Kuperapi i Pue Yesus bate-batena mompakatinonto raramiu riara mpengaya-ngaya, sabana Iamo puna katinonto. Kuperapi Ia momporoa komiu pura-pura.

Pompakita 22:21

Kuperapi i Pue Yesus mombadekei belo ka pura-pura todea nu Alatala. Amin.

Filemon 1:25

Kuperapi komiu pura-pura mombarasai kabelo rara nTuputa Yesus Kristus. Tabe lako nte yaku, Paulus

1 Yohanes 3:1

Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.

1 Petrus 1:15

Tapi komiu kana magasa ri mpengaya-ngaya anu nipoviamiu, sabana Alatala muni nagasa bo Iamo nompokio komiu majadi todeaNa.

Titus 1:4

Titus, iko mpuu-mpuu mpo anaku mboto, apa kita sampomparasaya. Kuperapi Tuamata Alatala bo i Yesus Kristus, Topompakasalama kita, mombadekei belo bo katinonto ka iko.

2 Timotius 4:22

Kuperapi i Pue Yesus momporoa iko, Timotius. Kuperapi Ia bate-batena mabelo nte komiu pura-pura. Tabe lako nte yaku, Paulus

1 Tesalonika 5:28

Kuperapi Tuputa, Yesus Kristus bate-batena mabelo nte komiu pura-pura. Tabe lako nte yaku, Paulus

1 Tesalonika 4:7

Kita nipokio nu Alatala ledo matuvu mabuga, tapi nipokioNa matuvu magasa ante pokainggu anu mompakadamba raraNa.

Kolose 3:12

Sampesuvu-sampesuvu, kita nipotove nu Alatala bo nipelisiNa majadi todeaNa nagasa. Haitu sampe kita kana maasi matata manggita roa. Kita kana mabelo rara, maede rara, malusu rara, bo mosabara nte roa.

Filipi 4:23

Kuperapi Tuputa Yesus Kristus bate-batena mabelo nte komiu. Amin. Tabe lako nte kami, Paulus bo Timotius

Filipi 4:20

Jadi ratoiyata Tuamata Alatala sampe ri kasae-saena. Amin!

Efesus 6:23

Kuperapi Tuamata Alatala bo i Pue Yesus Kristus mompakatinonto raramiu, bo mompakaroso pepotove bo pomparasayamiu pura-pura.

Galatia 6:18

Sampesuvu-sampesuvuku, kuperapi Tuputa Yesus Kristus bate-batena mabelo nte komiu. Amin. Tabe lako nte yaku, Paulus

1 Korintus 16:23

Kuperapi i Pue Yesus mombadekei belo ka komiu.

Roma 9:25

Riara buku Nabi Hosea, Alatala nanguli ivei: <

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

Suro-Suro 15:23

Jadi nitulisira santau sura rakeni ntona randua pangane. Sura haitu nanguli ivei: “Sampesuvu-sampesuvu sampomparasaya anu ledo toYahudi, anu nonturo ri ngata Antiokhia bo ri propinsi Siria bo Kilikia: Nadea tabe lako nte kami, suro-suro bo pakeni-pakeni ntodea topomparasaya.

Kolose 3:15

I Kristus nompoposinggabelo kita. Jadi nee rapoviata anu mombagerosi posinggabelo haitu, sabana kita nipokio nu Alatala ala kita pura-pura matuvu mosinggabelo mpo sipa-sipa nu karo sangu. Bo nee menonto motarima kasi nte Alatala.

Filipi 4:13

Nipakuleku nantingayo nuapa-nuapa ante petulungi i Yesus Kristus anu nompakaroso yaku.

Roma 8:39

ledo ria kuasa-kuasa ri laerava atau kuasa-kuasa ri tana, atau nuapa-nuapa ntanina anu nipajadi nu Alatala, nau sangaya ledo ria nompakule mompopogaa kita lako ri tove nu Alatala. ToveNa haitu nipopakitaNa ante anu nipovia nTuputa i Yesus Kristus ka kita.

Roma 1:6

Komiu ri ngata Roma muni nireke todea anu nipokio nu Alatala mangoseaka i Yesus Kristus.

Pompakita 2:1

Bo Ana nu Manusia nombatudu yaku motulisi ka malaeka anu nanggeniaka todea topomparasaya ri ngata Efesus ivei: “Hitumo tesa lako nte Yaku anu nantipale pitu-angu betue ri pale ngganaKu bo nolipa ri olo pitu-nggada poindo bulava.

Yakobus 1:1

Sura hitu lako nte yaku, i Yakobus. Yaku batua nu Alatala bo batua i Pue Yesus Kristus. Nadea tabe ka komiu todea nu Alatala ri njumangu dunia.

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

Pompakita 3:22

Isema-sema naria talingana, epemo pakabelo-belo anu nitesa Nosa Gasa nu Alatala ka todea topomparasaya ri umba-umba ngata.”

Pompakita 3:14

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Laodikia ivei: “Hitumo tesa lako nte Yaku anu nipoposanga ‘Amin’, haitumo sabi natutu notesa anu nakana. Yakumo Tupu nu pura-pura anu nipajadi nu Alatala.

Pompakita 3:7

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Filadelfia ivei: “Hitumo tesa lako nte Yaku anu nagasa bo nanoa. Yakumo nantipale gunji nu vamba Poparenta Magau Daud. Ane Yaku mombaungge vamba, ledo ria saitoa tona mamala mombatutuina, bo ane Yaku mombatutui vamba ledo muni maria saitoa tona mamala mombaunggena.

Pompakita 2:29

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata.”

Pompakita 2:18

Bo nitudu Ana nu Manusia vai yaku motulisi ka malaeka anu nanggeniaka todea topomparasaya ri ngata Tiatira ivei: “Hitumo tesa lako nte Yaku, Ana nu Alatala anu nomata narega mpo apu bo nokada nenggila mpo tambaga.

Pompakita 2:12

Naupu haitu Ana nu Manusia nombatudu yaku motulisi ka malaeka anu nanggeniaka todea topomparasaya ri ngata Pergamus ivei: “Hitumo tesa lako nte Yaku anu naria guma nomata ntimali bo natada mpuu.

Pompakita 2:8

Naupu haitu nitudu Ana nu Manusia vai yaku motulisi ka malaeka anu nanggeniaka todea topomparasaya ri ngata Smirna ivei: “Hitumo tesa lako nte Yaku anu niuli Pamulana bo Kaupuna, anu namatemo bo natuvu mpanjili.

1 Timotius 6:2

Ane tuana mboto topomparasaya i Yesus, nee radekei batua haitu mompandaente tuana, sabana ira nosampesuvu sampomparasaya. Tapi ia kana mantambai kabelo pokarajaana sabana tua nitulungina haitu muni topomparasaya i Pue anu nipotovera. Timotius, iko kana mompatuduki pura-pura pepatuduki hitu ka todea topomparasaya bo popatora ka ira ala raoseakara.

Suro-Suro 9:13

Nesanamo i Ananias, “Pue, niepeku nadea tona notesa i Saulus haitu. Niulira nadea mpuu todeaMiu nipandasana ri ngata Yerusalem

Roma 5:5

Ane kita manjarumaka Alatala, ledo masoa bukuta. Nisanita Ia mpuu-mpuu mompakadupa pura-pura pojanjiNa, sabana nirasaita tove nu Alatala riara ntaita lako ri pokarajaa nu Nosa Gasa anu nidekei nu Alatala ka kita.

Roma 8:28

Bara nuapa-nuapa majadi, nisanita Alatala nompasiayuna ala manggeni belo ka kita topompotove Ia, haitumo kita anu nipokioNa majadi todeaNa nangoseaka niaNa mboto.

1 Korintus 1:24

Tapi ane tona nipokio nu Alatala majadi todeaNa, nau toYahudi, nau toYunani, nisanira kamate i Kristus haitu nompopakita kuasa bo kapande nu Alatala ka ira.

Filipi 1:2

Kami nerapi Tuamata Alatala bo Tuputa Yesus Kristus mombadekei belo ka komiu bo mompakatinonto raramiu.

1 Tesalonika 1:4

Sampesuvu-sampesuvu nipotove nu Alatala, nisani kami Alatala nompelisi komiu majadi todeaNa.