Pompakita 8:10 - Kaili Ledo

¹⁰ Naupu haitu malaeka katataluna nompopomoni tabuena. Kaliu-liu nanavumo sangu betue mbaso lako ri langi, narega mpo sulo. Betue haitu nanavu nambela sabagia lako ri tatalu bagia binangga bo mata nu uve ri dunia.

Pompakita 8:10 Referans Kwoze

Pompakita 16:4

Naupu haitu malaeka katataluna nombabusaka isi tubuna ri pura-pura binangga bo mata-mata nu uve. Bo pura-pura uve haitu nabali najadi raa.

Pompakita 9:1

Naupu haitu malaeka kaalimana nompopomoni tabuena. Nomonipa tabue haitu, nikitaku sangu betue lako ri langi nanavu ri tana. Betue haitu nidekeika gunji vamba nu lovu anu ledo rapakule mantuvu kandalana.

Pompakita 6:13

Bo betue-betue nanavu sampe ri tana nasimbayu mpo vua kayu naleso naronto lako ri pantakana tempo niburu mpoiri narimboso.

Pompakita 14:7

Notesamo ia ante suara namangga, “Bilamo Alatala, bo tesamo kaogeNa! Apa nakavamo tempona Alatala mombatangara manusia! Petupumo nte Alatala anu nompajadi langi, tana bo tasi bo pura-pura mata nu uve!”

Pompakita 12:4

Lelo nu ule naga haitu nangumbunjai sabagia lako ri tatalu bagia betue ri langi, bo nitedakana ri tana. Ia neangga ri ngayo nu mombine ranja mpoana haitu. Patujuna mangome ana nu mombine haitu mesuvu.

Pompakita 1:20

Dopa nisanimu batuana pitu-angu betue nikitamu ri pale ngganaKu hitu bo pitu nggada poindo bulava. Jadi kupakalanto batuana ivei: pitu-angu betue haitu nirapaka papitu malaeka anu nanggeniaka todea topomparasaya anu nonturo ri pitu-ngata. Bo pitu nggada poindo bulava haitu nirapaka todea topomparasaya anu naria ri pitu-ngata haitu.”

Yudas 1:13

Ira nasimbayu mpo balumba mbaso niburu mpoiri, bo pokainggura anu nepakaeya nasimbayu mpo rumpu bo bura natapa nitompesaka ri talinti. Ira nasalandala lako ri dala nakana nasimbayu mpo betue-betue mpolinja ri langi ledo nangoseaka dala nipakatantu ka ira. Jadi nipakasadia nTupumo ponturo nalanda mpirika ka ira sampe ri kasae-saena.

Lukas 10:18

Nanguli i Yesus ka ira, “NikitaKu Magau nu Seta nanavu lako ri langi eva kila.

Matius 25:1

“Tempo Yaku makava mpo Magau, maria tona mainga bo maria tona ntanina malinga nasimbayu nte porapa hitu: Naria sapulu randaa hau mantomunaka boti langgai, simbo nanggeni poindona.

Pompakita 8:7

Bo malaeka pamulana nompopomoni tabuena. Kaliu-liu nauda esi bo apu nogalo raa sampe ri tana bo naromba mpuu. Bo sabagia lako ri tatalu bagia tana naupu sanggani nikande nu apu, sampe napapu sabagia lako ri tatalu bagia kayu-kayu bo pura-pura kavoko naramata.

Pompakita 9:15

Jadi nivolenamo malaeka ampa haitu. Malaeka ampa haitu nipakasadia mamimo lako ri nggauluname bo ira nompopea gantana ri mpae bo bula bo ri eo bo jaa nipakatantumo mompatesi sabagia lako ri tatalu bagia manusia ri dunia.

Pompakita 9:18

Sabagia lako ri tatalu bagia manusia ri dunia nipatesi ante talu-ngaya pepandasa, haitumo ante apu, unu nu apu, bo vatu colonggata narega nesuvu lako ri sumbara.