Pompakita 6:12 - Kaili Ledo

¹² Naupu sia, nikitaku Ana Bimba nombabuka populu kaaonona. NibukaNapa, nalingu mbasomo bo mata nu eo najadi navuri mpo karu vuri. Bo bula najadi nalei njumangu mpo raa.

Pompakita 6:12 Referans Kwoze

Matius 24:29

“Maupu tempo pepandasa nadaa haitu, ‘mata eo majadi malanda bo bula domo ntoto mareme. Betue-betue manavu lako ri langi bo mpengaya-ngaya anu nakuasa ri langi ragoya.’ Yesaya 13:10; 34:4

Pompakita 16:18

Bo noreamo kila bo guru kede damo nosinjaleva poguna, bo najadimo lingu mbaso. Lako ri pamulaname manusia nipajadi nu Alatala ri dunia sampe tempo hitu, dopa ntoto naria karimbosona lingu ivehaitu. Naroo mpuu lingu mbaso haitu.

Pompakita 11:13

Eva nisuka, ri tempo haitu muni najadimo lingu mbaso. Bo nageromo sabagia lako ri sapulu bagia ngata mbaso haitu, bo pitu-njobu tona namate sabana lingu mbaso haitu. Nanggita haitu naviora mpuumo rara ntona da natuvu ri sia, bo niulira, “Nambaso mpuu kuasa nu Alatala anu naria ri suruga!”

Pompakita 8:5

Naupu haitu nialana tubu potunju dupa haitu bo niisina ante ruti nu apu lako ri bavo Lanta Pesomba. Bo nitedakana hau riara dunia. Nitedakanapa ruti nu apu haitu, nepogumo guru kede bo kila damo mpavende bo najadimo lingu.

Matius 24:7

Apa tempo haitu tona sangata mosieva nte tosangatana, bo magau simbo magau mosieva muni. Ri umba-umba ri dunia maria kamate ara bo lingu-lingu.

Markus 15:33

Natongo eo, njumangu bagia haitu nitaulandana talu-jaa kasaena, nompamula lako ri tinti sapulu randua sampe tinti tatalu nggoviana.

Matius 28:2

Sampesani naria lingu mbaso sabana malaeka nTupu nanau lako ri suruga nombaduliaka vatu poupi dayo. Naupu haitu nonturomo ia ri bavona.

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Matius 27:45

Natongo eo, sampesanika nalandamo njumangata haitu sampe tinti tatalu nggoviana.

Matius 11:21

NiuliNa, “Mandasa mpuumo komiu, toponturo ri ngata Korazim! Bo mandasa mpuumo komiu toponturo ri ngata Betsaida, sabana komiu ledo najea. Ane rapana kabaraka-kabaraka nipoviaKu ri ngatamiu Kupovia ri ngata Tirus bo Sidon, natantu nasaemo kajeara, nau ira ledo toYahudi. Bo natantu nasae munimo popakeara karu bo podikara sovu ri balenggara, tandana nabuku rarara bo nanjosomo nokainggu nadaa. Komiu toYahudi nanggita kabaraka-kabaraka haitu, tapi komiu ledo ntoto najea!

Pompakita 8:12

Naupu haitu malaeka kaampana nompopomoni tabuena. Kaliu-liu naria anu nambela mata nu eo, bula bo betue-betue, sampe nalipomo sabagia lako ri tatalu bagia remera. Jadi, pata-jaa ri eona, mata nu eo ledo nareme, bo ivesia muni bula bo betue-betue tempo nabongi.

Pompakita 16:8

Naliu haitu, malaeka kaampana nombabusaka isi tubuna ri mata nu eo. Bo mata nu eo haitu nidekeika kuasa mompalabu manusia ante kapanena mpo apu.