Biblia Todo Logo
Bib sou entènèt

- Piblisite -




Pompakita 4:6 - Kaili Ledo

6 Bo ri ngayo Gadera haitu naria muni sangaya nikitaku eva tasi nevayo mpo kaca. Ri sia naria ampa Anu Natuvu, nombatiku Gadera haitu. Nadea mpuu matara, ri njumangu karora naria mata, ri ngayora bo ri bengora.

Gade chapit la Kopi




Pompakita 4:6
25 Referans Kwoze  

Bo naria sangaya nikitaku eva tasi nevayo mpo kaca bo nogalo apu. Bo ri bivi ntasi haitu nikitaku tona dea neangga. Tona gahaitumo nombadagi binata nadaa sabana ira ledo ntoto nombasomba ia, bo ledo nombasomba pinoito binata haitu, bo ledo nombatarima mere nu binata haitu, haitumo lamoro nirapaka sangana. Pura-pura ira neangga ri bivi ntasi haitu nantipale kacapi nidekei nu Alatala ka ira.


Naupu haitu nikitaku sangu Ana Bimba neangga ri sinjori Gadera Kamagaua bo nipatiku nu ampa Anu Natuvu bo totua-totua gahaitu. Ri karoNa nikitaku bela baka, belana tempo Ia nipatesi nggaulu. Ri balenggaNa naria papitu tanduNa bo mataNa muni pitu-angu. Pitu-angu mataNa haitu, batuana papitu Nosa nu Alatala anu nituduNa hau ri njumangu dunia.


Tona saatu patapulu pata-njobu haitu nodade dade nabaru ri ngayo nu Alatala bo ri ngayo ampa Anu Natuvu bo totua-totua anu nombatiku Gadera Kamagaua nu Alatala. Dadera haitu ledo namala nipeguru ntona ntanina aga ira saatu patapulu bo pata-njobu anu nitolo nu Ana Bimba lako ri dunia.


Bo ropulu bo ampa totua bo ampa Anu Natuvu haitu nantaputu nombasomba Alatala anu nonturo ri Gadera KamagauaNa. Niulira, “Amin! Ratoiyamo Alatala!”


Bo nepasiosemo ampa Anu Natuvu haitu, “Amin, nakana mpuu!” Bo nantaputumo totua-totua gahaitu sampe ri tana mombasomba Alatala.


Pura-pura malaeka muni neangga nombatiku Gadera Kamagaua, bo totua-totua, bo ampa Anu Natuvu. Pura-pura ira nantaputu sampe ri tana ri ngayo Gadera Kamagaua nombasomba Alatala.


Bo malaeka haitu nompopakita ka yaku, Yohanes, sangu binangga, uvena damo nenggila mpo kaca nevayo. Bo uvena nombadekei katuvua nabelo. Binangga haitu nemata lako ri Gadera Kamagaua nu Alatala bo Ana Bimba,


Ngata haitu nareme mpuu ante kareme nu Alatala mboto. Karemena damo nenggila mpo mata sinji nasuli alina, mpo vatu yaspis anu nevayo mpo kaca.


Neongapa malaeka haitu, saito lako nte ampa Anu Natuvu nombadekei ka ira pitu-ntonga tubu bulava naponu ante rau rara nu Alatala, Alatala anu natuvu sampe ri kasae-saena.


Bo sapulu randua bobaa haitu nipovia lako ri sapulu randua mutiara, sangu bobaa sangu mutiarana. Bo dala riara ngata haitu nipovia lako ri bulava anu ledo ria galona, damo nenggila mpo kaca nevayo.


Tembo ngata haitu nipovia lako ri vatu-vatu yaspis, anu nenggila nalei bo nagavu. Ngata haitu nipovia lako ri bulava anu ledo ria galona, sampe damo nenggila mpo kaca nevayo.


Sabana, Ana Bimba anu naria ri sinjori Gadera Kamagaua nu Alatala haitu nompoevu ira. Ia nombanini ira hau ri mata uve anu nombadekei katuvua nabelo. Bo Alatala mboto nompaisi pura-pura uve mata lako ri matara mombaondopi ira.”


Bo naria muni ropulu bo ampa gadera ntanina nantiku Gadera pangane. Gadera ntanina haitu niponturo ntotua ropulu bo ampa. Ira nopakea mputi bo nosonggo bulava.


Tempo Ana Bimba nangala sura haitu, nantaputumo ampa Anu Natuvu, bo ropulu bo ampa totua ri ngayoNa mombasomba Ia. Ri palera saito-saito naria kacapi bo tubu bulava niisi dupa anu navangi mpuu. Dupa haitu nirapaka posambaya ntodea nu Alatala.


Naupu haitu nipeintaku, bo niepeku suara malaeka nadea, nonjobu-njobu bo nojuta-juta kadeana. Ira nombatiku Gadera Kamagaua nosanggani-nggani ante ampa Anu Natuvu bo ropulu bo ampa totua.


Naupu haitu nikitaku Ana Bimba nombabuka populu paratama. Pade niepeku saito lako ri ampa Anu Natuvu haitu notesa ante suara namangga mpo moni guru kede. Niulina, “Kamaimo!”


Naupu haitu niepeku suara lako ri olo ampa Anu Natuvu pangane nanguli, “Ali nu gando salite nasimbayu nte gaji saeo, bo ali labu nu ose talu-lite nasimbayu muni nte gaji saeo. Aga nee rapakagero talua zaitun bo talua anggur!”


Swiv nou:

Piblisite


Piblisite