Pompakita 3:12 - Kaili Ledo

¹² Isema-sema padagi, ia masimbayu mpo tinja naroso ri banua nTuamaku Alatala. Ia matetida ri suruga sampe ri kasae-saena. Bo ri karona Kutulisi sanga nTuamaku Alatala, bo sanga nu ngata nTuamaku Alatala, haitumo Yerusalem nabaru anu manau lako nte Tuamaku Alatala ri suruga. Bo sangaKu mboto nabaru kana Kutulisi ri karona.

Pompakita 3:12 Referans Kwoze

Pompakita 22:4

Bo ira manggita lenjeNa mpuu. Bo sangaNa ratulisi ri kirera pura-pura.

Pompakita 21:2

Bo nikitaku muni ngata nu Alatala, ngata Yerusalem nabaru nanau lako nte Alatala ri suruga. Nagaya mpuu ngata haitu mpo boti mombine nopakea nagaya nasadia raala boti langgai.

Pompakita 14:1

Naliu haitu naria vai anu nipopakita ka yaku. Nikitaku Ana Bimba neangga ri bavo Bulu Sion nosanggani-nggani ante saatu patapulu bo pata-njobu tona. Bo sanga nu Ana Bimba bo sanga nTuamaNa Alatala nitulisi ri kirera.

Galatia 2:9

I Yakobus, i Petrus bo i Yohanes, nireke pakeni ntodea topomparasaya i Yesus ri Yerusalem. Nikitara Alatala nombadekei pokarajaa nabelo ka yaku, haitumo majadi suroNa. Jadi ira nosijoko pale ante kami bo i Barnabas. Haitumo tandana kami pura-pura roa sampobago nanggeni Kareba Belo. Kami pura-pura nasituju ala kami bo i Barnabas manggeni Kareba Belo ka tona ledo toYahudi bo ira manggeni Kareba Belo ka toYahudi.

Pompakita 2:17

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi, Kudekei ka ia roti Manna anu nitabuniaka. Bo Kudekei muni vatu nabula simbo sangu ka ira. Ri vatu nabula haitu nitulisi sanga nabaru anu ledo ntoto nisani ntona ntanina, aga tona mantarima vatu nabula haitu mangisanina.”

Ibrani 12:22

Tapi ledo ivesia komiu. Komiu nantarima pojanji nu Alatala nabaru, komiu nantingayo Bulu Sion, ngata nu Alatala anu matuvu sampe ri kasae-saena, haitumo ngata Yerusalem ri suruga. Komiu nantingayo nenjobu-njobu malaeka anu nasiromu madamba-damba.

1 Yohanes 4:4

Sampesuvu-sampesuvu nipotoveku, komiumo ana-ana nu Alatala bo nidagimiumo nabi-nabi mpodava gahaitu, sabana Nosa Gasa nu Alatala anu riara ntaimiu nakuasapa pade Magau nu Seta anu nombakuasai pekiri ntona ledo nangoseaka dota nu Alatala.

Pompakita 2:7

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi kana Kudekei mangande vua lako ri Kayu Katuvua anu naria riara Pampa nu Alatala ri suruga.”

Efesus 3:15

Iamo Tuama nu pura-pura anu naria, nau kita ri dunia, nau isi suruga.

Pompakita 17:14

Bo ira mosieva ante Ana Bimba. Tapi Ana Bimba mombadagi ira sabana Iamo Tupu nu pura-pura tupu bo Magau nu pura-pura magau. Bo nosanggani-nggani ante Ana Bimba haitu maria muni topangoseaka-topangoseaka Ia anu nipokioNa bo nipelisiNa, anu natutu nangoseaka Ia.”

Ibrani 13:14

Apa ri dunia hitu ledo ria ponturota naroo, tapi kita nanjarumaka ponturo nabelopa ri suruga ri tempo makava.

Pompakita 2:11

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi ledo ntoto mambela pehuku anu niuli kamatea karongganina.”

Pompakita 3:5

Isema-sema padagi kana radekeika baju mputi. Bo sangara ledo Kupakalipo lako ri Buku Katuvua, tapi Kusaliku ri ngayo nTuamaKu bo malaeka-malaekaNa.

Markus 12:16

Jadi nikenira mpuumo. Bo nekutanamo Ia, <> Nesanamo ira, <>