Pompakita 21:12 - Kaili Ledo

¹² Ngata haitu ntiku-ntiku nitembo nakumba bo nalanga. Tembo haitu sapulu randua bobaana bo sapulu randua malaeka. Pura-pura bobaa simbo naria malaeka nombajagaina. Ri bobaa haitu naria nitulisi sanga-sanga nu ana i Israel nggaulu anu najadi sapulu randua valaa ntoYahudi.

Pompakita 21:12 Referans Kwoze

Pompakita 21:25

Bobaa-bobaa ngata haitu bate-batena natebuka, ledo ntoto nateupi-upi sabana ri ngata haitu ledo ria bongina.

Suro-Suro 26:7

Kami toYahudi, muli lako ri sapulu randua ana i Israel, nanjarumaka pojanji haitu rapakadupa nu Alatala. Haitumo sampe kami ledo nabasa-basa eo bongi netupu nte Alatala. O Magau nibilaku! Yaku nipangadu ntoYahudi sabana yaku nomparasaya pojanji haitu, nasimbayu nte ira!

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

Lukas 16:22

Nakavamo tempona tona napakasi haitu namate bo ia nikeni nu malaeka hau ri ponturo nabelo ri sinjori Nabi Abraham. Tona nakalumana namate munimo bo nitana. Ia nikeni hau ri ponturo ntomate.

Lukas 15:10

Ivesia muni malaeka-malaeka nu Alatala. Madamba mpuu rarara ane saito tona najea nokainggu nadaa.”

Matius 18:10

Jadi pakabelo-belo, nee mompandaente ngana kodi eva ngana hitu. Sabana Kuuli ka komiu, malaeka-malaeka anu nombajagai ira, bate-batena naria ri ngayo nTuamaKu ri suruga.

Pompakita 21:13

Tembo kumba haitu pata-njulapa bo sanjulapa-sanjulapa tatalu bobaana: tatalu ri mpandakena, tatalu ri mpanauna, tatalu ri tasina, bo tatalu ri puluna.

Pompakita 21:15

Malaeka anu notesa ante yaku haitu nantipale sambesa toko poreke nipovia lako ri bulava raporeke kambaso ngata haitu ante tembo bo bobaana.

Pompakita 22:14

Nabelo mpuumo tona notoposi pakeana sampe nagasa, apa iramo rapaloga mangande vua lako ri Kayu Katuvua. Iramo rapaloga mesua riara ngata haitu mangose bobaa.