Pompakita 20:4 - Kaili Ledo

⁴ Naupu haitu nikitaku bara sako-angu gadera kamagaua. Bo tona nonturo ri gadera haitu nidekeika kuasa mombatangara. Bo nikitaku muni nyawa-nyawa ntona namate nitampa balenggara sabana ira batena nompatolele pepatuduki nakana anu nipopaisani i Yesus, bo batena nompatolele Tesa nu Alatala. Ira ledo muni nombasomba binata nadaa bo pinoitona, bo ira ledo muni nantarima mere binata haitu ri kirera bara ri palera. Ira gahaitu natuvu mpanjili bo nomparenta mpo magau nosanggani-nggani ante i Kristus sanjobu mpae kasaena.

Pompakita 20:4 Referans Kwoze

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Pompakita 6:9

Naupu haitu Ana Bimba nombabuka populu kaalimana. Bo nikitaku ri tambe Lanta Pesomba naria nyawa-nyawa ntona namate anu nipatesi sabana nompatolele Tesa nu Alatala bo ledo nenonto notesaki pomparasayara i Yesus.

Pompakita 3:21

Isema-sema padagi, ia Kupaloga monturo moparenta mosanggani nte Yaku ri Gadera KamagauaKu, nasimbayu mpo Yaku muni najadi padagi bo sii-sii nonturo bo noparenta nosanggani-nggani nte TuamaKu ri GaderaNa.

2 Timotius 2:12

Ane kita nombatidamaka riara kasusata, Kita momparenta mosanggani-nggani ante Ia bara maipia. Ane kita mombasapu Ia Ia muni mombasapu kita.

Pompakita 20:6

Nabelo mpuu tona rapakatuvu mpanjili tempo pembangu ntomate pamulana, apa iramo todea nu Alatala. Ira ledo mambela pehuku niuli kamatea karongganina. Tapi ira majadi topanggeni pesomba ka Alatala bo ka i Kristus. Bo ira momparenta mpo magau mosanggani-nggani ante i Kristus sanjobu mpae kasaena.

Lukas 22:30

Jadi komiu muni madamba mangande bo manginu ante Yaku ri PoparentaKu tempo Yaku majadi Magau. Bo komiu monturo ri sapulu randua gadera magau bo momparenta tona lako ri sapulu randua valaa ntoIsrael.”

Pompakita 22:5

Domo maria bongina. Tupu ngata haitu domo paraluu poindo bara reme nu eo mombavanta ira, sabana reme lako nte Alatala mbotomo mombavanta ira. Bo ira momparenta mpo magau sampe ri kasae-saena.

Pompakita 12:11

Tapi todea sampomparasaya haitu nombadagi Magau nu Seta ante kuasa lako ri raa nu Ana Bimba anu namate nombasompo dosara. Bo nidagira ia ante pepatuduki i Yesus nipatolelera. Bo ledo nipotovera katuvura, ledo ntoto nenonto nomparasaya nau sampe rapatesi.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.

Roma 8:17

Bo ane kita mpuu-mpuu ana-ana nu Alatala, natantumo kita mantarima belo nipakasadia nu Alatala ka ana-anaNa. Kita muni mantarima pura-pura anu nipakasadia nu Alatala ka i Kristus, sabana ane kita nombarasai kasusa bo kapari mpo anu nirasaiNa, kita muni rapakaoge nasimbayu mpo Ia.

Pompakita 15:2

Bo naria sangaya nikitaku eva tasi nevayo mpo kaca bo nogalo apu. Bo ri bivi ntasi haitu nikitaku tona dea neangga. Tona gahaitumo nombadagi binata nadaa sabana ira ledo ntoto nombasomba ia, bo ledo nombasomba pinoito binata haitu, bo ledo nombatarima mere nu binata haitu, haitumo lamoro nirapaka sangana. Pura-pura ira neangga ri bivi ntasi haitu nantipale kacapi nidekei nu Alatala ka ira.

Pompakita 14:11

Unu nu apu mompandasa ira bo ledo maupu-upu mounu sampe ri kasae-saena. Eo bongi ledo ria kaupu-upuna pepandasa ka ira sabana nisombara binata nadaa haitu ante pinoitona bo nitarimara tanda sanga nu binata haitu ri karora.

Pompakita 11:7

Ane maupumo ira randua mompasimbayu tesa nu Alatala, makavamo binata nadaa mangeva ira. Binata nadaa haitu anu mesuvu lako riara lovu anu ledo rapakule mantuvu kandalana. Ia mombadagi randua tona pangane bo mompatesi ira.

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Pompakita 17:8

Da nokolu, binata nikitamu haitu da naria natuvu, tapi sii-sii domo naria. Tapi ia meumba mpanjili bara maipia lako riara lovu anu ledo rapakule mantuvu kandalana. Maliu haitu ia rahuku sampe ri kasae-saena. Bo tona natuvu ri dunia anu ledo nitulisi sangara riara Buku Katuvua dopame dunia nipajadi nu Alatala, ira mpuu-mpuu mokumaa manggita binata haitu. Sabana, da nokolu binata haitu natuvu, sii-sii domo naria, tapi meumba mpanjili bara maipia.

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”

Pompakita 11:11

Tapi nikitaku naliu talu-mbongi santanga, naria mpanjili nosara lako nte Alatala. Natuvu mpanjilimo ira bo kaliu-liu neangga ri sia. Nanggita ira natuvu mpanjilimo, naviora puramo tona nadea gahaitu.

Pompakita 11:3

Tempona haitu Kusuro randua tona mompasimbayu tesaKu. Ira mompake baju nipovia lako ri karu mpo tona nasusa rarana, bo ira mompasimbayu tesaKu talu-mpae santanga kasaena.”

Roma 11:15

Apa tempo Alatala nompoara toYahudi, dala nibuka ka pura-pura tona ntanina ri dunia rapoposinggabelo mpanjili ante Alatala. Jadi nelabipa kabelona ane toYahudi ratarima nu Alatala mpanjili! Apa kajadia haitu masimbayu mpo tona namate matuvu mpanjili!

Lukas 1:17

Ia majadi suro nu Alatala, naroso bo nakuasa mpo Nabi Elia nggaulu. Ia mompoposinggabelo ana-ana nte tuamara bo tona ledo nangoseaka Alatala rakenina mpanjili ri dala nakana. Pura-pura anu pangane rapoviana ala mompakasadia rara ntodea mantarima Alatala.”

Markus 9:11

Bo nipekutanara ka i Yesus, <>

Markus 6:27

Jadi nitudunamo nasalisa saito topojaga hau mompatesi i Yohanes. Hau mpuumo tona haitu mombatampa balengga i Yohanes ri tarunggu.

Markus 6:16

Tapi tempo Magau Herodes nangepe tesa-tesa haitu niulina, <>

Matius 24:10

Bo madea topangoseaka Yaku moura pomparasayara, bo mosipobalu ntali roara sampomparasaya, bo mosipovuu matamo ira.

Lukas 14:14

Ane ivesia rapoviamiu, Alatala mombadekei belo ka komiu. Sabana ledo rapakule tona ivehaitu mombabalasi pokainggumiu nabelo. Pokainggumiu nabelo haitu rabalasi nu Alatala tempo tona nanoa rapakatuvu mpanjili lako ri kamatena.”

Pompakita 1:2

Bo yaku, i Yohanes, nompasimbayu pura-pura anu nikitaku, haitumo tesa lako nte Alatala bo anu nipopaisani i Yesus Kristus.

Pompakita 2:26

Isema-sema padagi bo mangoseaka dotaKu sampe ri kaupuna, Kudekeika kuasa nasimbayu mpo nitarimaKu lako nte TuamaKu. Kudekei kuasa ka ira momparenta manusia ri umba-umba ri dunia. Ira momparenta ante ase poboba. Bo rapakaropura balira nasimbayu mpo tona norupusaka kura tana.

Pompakita 4:4

Bo naria muni ropulu bo ampa gadera ntanina nantiku Gadera pangane. Gadera ntanina haitu niponturo ntotua ropulu bo ampa. Ira nopakea mputi bo nosonggo bulava.

Pompakita 7:3

Niulina, “Nepa ruru rapakageromiu tasi bo kabatana bo kayu-kayu dopame kami mombamere kire ntopangoseaka Alatala ala ira ledo rapambela kasusa-kasusa haitu.”