Pompakita 2:18 - Kaili Ledo

¹⁸ Bo nitudu Ana nu Manusia vai yaku motulisi ka malaeka anu nanggeniaka todea topomparasaya ri ngata Tiatira ivei: “Hitumo tesa lako nte Yaku, Ana nu Alatala anu nomata narega mpo apu bo nokada nenggila mpo tambaga.

Pompakita 2:18 Referans Kwoze

Pompakita 1:11

Suara haitu nanguli ivei: “Tulisimo anu mukita bo pakatu ka todea topomparasaya nonturo ri pitu ngata, haitumo ngata-ngata Efesus, Smirna, Pergamus, Tiatira, Sardis, Filadelfia bo Laodikia.”

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Matius 3:17

Bo naria suara lako ri suruga nanguli, “Hitumo AnaKu nipotoveKu. Iamo nompakadamba raraKu.”

Roma 8:32

Ledo natove raraNa nte AnaNa mboto, nidekeiNa rapatesi mantolo dosata. Sabana haitu, nisanita kana radekeiNa muni ka kita mpengaya-ngaya anu niparaluuta ante joi raraNa.

Yohanes 10:36

nemopa Yaku! Apa Yakumo hii nipelisi nu Alatala bo nituduNa tumai ri dunia! Jadi nakuya niulikamiu Yaku nompandaente Alatala sabana niuliKu Yakumo hii Ana nu Alatala?

Yohanes 5:25

Pariaramo tesaKu hitu. Kana makava tempona bara maipia, bo sii-sii nakavamo tempona haitu, tona namatemo mangepe suaraKu, Ana nu Alatala, bo ira anu mangepena bo mangoseakana, manggava katuvua mabaru.

Yohanes 3:18

Isema-sema nomparasaya Ana nu Alatala haitu ledo rahuku. Tapi isema-sema ledo nomparasaya, nihuku nu Alatalamo sabana ledo niparasayara Ana nu Alatala saito-itoNa haitu.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Lukas 1:35

Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.

Matius 27:54

Tempo balengga ntantara nu Magau Mbaso bo tantara-tantarana anu nombajagai i Yesus ri sia, nombarasai lingu mbaso haitu bo nanggita mpengaya-ngaya anu najadi, naeka mpuumo rarara. Niulira, “Tona hitu mpuu-mpuu Ana nu Alatala!”

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Pompakita 2:1

Bo Ana nu Manusia nombatudu yaku motulisi ka malaeka anu nanggeniaka todea topomparasaya ri ngata Efesus ivei: “Hitumo tesa lako nte Yaku anu nantipale pitu-angu betue ri pale ngganaKu bo nolipa ri olo pitu-nggada poindo bulava.

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Suro-Suro 8:36

Riara polipara haitu, nikitara uve napara dala. Nanguli toEtiopia, “Peintamo! Moitu uve. Mamala yaku radiu sii-sii?”

Suro-Suro 16:14

Naria saito mombine ri sia lako ri ngata Tiatira nosanga i Lidia. Ia topobalu kae nosura sese mpalola, anu nasuli mpuu alina. Ia nombasomba Alatala mamimo. Tempo niepena tesa i Paulus, Alatala nompakanoto rarana sampe nitarimana pepatuduki haitu.

Pompakita 2:24

Tapi naria muni komiu toTiatira ledo nangoseaka pepatuduki nadaa haitu bo ledo nadota neguru anu niuli ntona ‘pangisani Magau nu Seta anu nalonto.’ Kuuli ka komiu ivei: Ledo Kutambai parenta-parenta ntanina ka komiu.