Pompakita 19:6 - Kaili Ledo

⁶ Naupu haitu niepeku mpo suara ntona dea novoo mpo soo nu uve oge bo mpo moni guru kede. Nongaremo ira, “Toiyamo Alatala! Sabana, Tuputa Alatala nomparenta pura-pura anu naria! Neliu mpuu KakuasaNa!

Pompakita 19:6 Referans Kwoze

Pompakita 14:2

Bo niepeku moni namangga lako ri suruga mpo soo nu uve oge bo mpo pogu guru kede. Moni haitu mpo moni nu kacapi nidui.

Pompakita 19:1

Naupu haitu yaku i Yohanes, nangepe moni mpo suara ntona dea novoo nongare-ngare ri suruga. Niulira, “Haleluya! Ratoiyamo Alatala! Sabana Iamo nompakasalama kita. Iamo Alatala anu naoge bo nakuasa!

Pompakita 6:1

Naupu haitu nikitaku Ana Bimba nombabuka populu paratama. Pade niepeku saito lako ri ampa Anu Natuvu haitu notesa ante suara namangga mpo moni guru kede. Niulina, “Kamaimo!”

Pompakita 1:15

KadaNa nenggila mpo tambaga nitunu ri apu. Bo suaraNa namangga mpo soo nu uve oge.

Pompakita 21:22

Ledo ria banua petupu nikitaku riara ngata haitu sabana Alatala toNeliu KakuasaNa, bo Ana Bimba mboto najadi Banua Petupu ri ngata haitu.

Pompakita 12:10

Naupu haitu niepeku suara riara suruga namangga mpuu nanguli, “Sii-sii nakavamo gantana Alatala mompakasalama todeaNa. Sii-sii nipopakitaNamo kuasaNa, nompamulamo Ia nomparenta mpo Magau. Sii-sii nakavamo Magau Topepakasalama anu nipelisi nu Alatala mompopakita kuasaNa, sabana Magau nu Seta nipopalaimo lako ri suruga, Magau nu Seta haitumo anu nompangadu todea sampomparasaya eo bongi ri ngayo nTuputa Alatala.

Pompakita 8:5

Naupu haitu nialana tubu potunju dupa haitu bo niisina ante ruti nu apu lako ri bavo Lanta Pesomba. Bo nitedakana hau riara dunia. Nitedakanapa ruti nu apu haitu, nepogumo guru kede bo kila damo mpavende bo najadimo lingu.

Pompakita 4:5

Lako ri Gadera Kamagaua pangane nesuvu kila damo mparea nevanta, bo gente nu guru damo nosinjaleva poguna. Ri ngayo Gadera haitu naria muni pitu-angu sulo narega. Pitu-angu sulo haitu batuana papitu Nosa nu Alatala.

Matius 6:13

Nee rapalamba kami rapesori bo kabasakamo kami lako ri kuasa Magau nu Seta. [Sabana Komiumo Magau nakuasa bo nipokumaaka sampe ri kasae-saena. Amin.]

Pompakita 1:8

Tupu Alatala nanguli, “Yakumo hii Pamulana bo Kaupuna. Yaku naria mamimo lako ri lamba pamulana, Yaku naria sii-sii bo Yaku batena maria sampe ri kasae-saena. Yakumo toNeliu KakuasaKu.”

Pompakita 19:4

Bo ropulu bo ampa totua bo ampa Anu Natuvu haitu nantaputu nombasomba Alatala anu nonturo ri Gadera KamagauaNa. Niulira, “Amin! Ratoiyamo Alatala!”