Pompakita 17:10 - Kaili Ledo

¹⁰ Alima lako ri magau-magau haitu domo nomparenta. Saito da nomparenta bo magau kapapituna dopa nompamula nomparenta. Tapi ane ia makava, aga sampalai ia radekei momparenta.

Pompakita 17:10 Referans Kwoze

Pompakita 10:11

Naupu haitu yaku nitudu vaimo, “Iko kana mompasimbayu tesa lako nte Alatala anu notesaki anu majadi nte magau-magau bo todea lako ri mpengaya-ngaya ngata bo valaa, bo topotesa mpengaya-ngaya basa.”

Pompakita 17:11

Binata anu natuvu nokolu bo sii-sii domo naria, ia haitumo magau kauvaluna. Tapi ia muni saito lako ri magau papitu pangane. Kaupuna ia kana rahuku sampe ri kasae-saena.

Pompakita 13:3

Sangu lako ri pitu-angu balengga binata haitu naria bela baka oga anu rapomatena. Tapi bela haitu natoromo. Jadi pura-pura manusia ri dunia nokumaa mpuu nanggita binata nadaa haitu, bo nosimpagomo ira nangoseaka ia.

Pompakita 13:12

Binata nadaa karanduana haitu mpo nabi niposuro nu binata nadaa pamulana. Jadi pura-pura kuasa nu binata pamulana haitu nipajala nu binata karanduana. Pura-pura manusia ri dunia nipasuuna mombasomba binata pamulana anu naria bela baka oga anu natoromo.

Pompakita 17:16

Makava tempona binata nadaa bo sapulu magau nikitamu pangane mavuu matara nanggita mombine bajinga. Ira mombaago pura-pura nuapa naria nte ia bo ravuloasira. Bo rakandesira isi karo mombine haitu bo rapalabura karobatana riara apu sampe maupu.