Pompakita 14:9 - Kaili Ledo

⁹ Naupu haitu naria malaeka katataluna nantuntuni malaeka karanduana pangane. Nongaremo ia ante suara namangga mpuu ivei: “Isema-sema nombasomba binata nadaa ante pinoitona bo nantarima mere nu binata haitu ri kirena bara ri palena,

Pompakita 14:9 Referans Kwoze

Pompakita 14:11

Unu nu apu mompandasa ira bo ledo maupu-upu mounu sampe ri kasae-saena. Eo bongi ledo ria kaupu-upuna pepandasa ka ira sabana nisombara binata nadaa haitu ante pinoitona bo nitarimara tanda sanga nu binata haitu ri karora.

Pompakita 7:3

Niulina, “Nepa ruru rapakageromiu tasi bo kabatana bo kayu-kayu dopame kami mombamere kire ntopangoseaka Alatala ala ira ledo rapambela kasusa-kasusa haitu.”

Pompakita 16:2

Nangepe haitu, haumo malaeka pamulana nombabusaka isi tubuna ri dunia. Bo sampesanika neumbamo bisu-bisu nadaa anu nadua mpuu ri karo ntona pura-pura anu naria mere binata nadaa haitu bo ri pura-pura tona anu nombasomba pinoitona.