Pompakita 11:7 - Kaili Ledo

⁷ Ane maupumo ira randua mompasimbayu tesa nu Alatala, makavamo binata nadaa mangeva ira. Binata nadaa haitu anu mesuvu lako riara lovu anu ledo rapakule mantuvu kandalana. Ia mombadagi randua tona pangane bo mompatesi ira.

Pompakita 11:7 Referans Kwoze

Pompakita 13:7

Ia nipaloga muni mangeva todea nu Alatala bo mombadagi ira. Bo nidekei muni kuasa ka ia momparenta manusia ri njumangu dunia, haitumo tona ri pura-pura ngata, bo valaa, bo tona lako ri pura-pura basa ri dunia.

Yohanes 17:4

NipopaisaniKu kuasa bo kaogeMiu ri dunia hitu ante nompakaupu pokarajaa niparasayaMiu ka Yaku.

Lukas 13:32

Tapi nesana i Yesus, “Koi ulika topeakalani haitu ivei: ‘Eo hitu bo maile Yaku da mompopalai seta-seta, bo mompakabelo tona nadua. Maipua pade Kupakaupu pokarajaaKu.

Pompakita 13:11

Naliu haitu nikitaku sangaya binata nadaa ntanina neumba lako ri tana. Binata haitu notandu randua mpo tandu nu ana bimba, tapi suarana mpo suara ule naga.

Pompakita 11:3

Tempona haitu Kusuro randua tona mompasimbayu tesaKu. Ira mompake baju nipovia lako ri karu mpo tona nasusa rarana, bo ira mompasimbayu tesaKu talu-mpae santanga kasaena.”

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

2 Timotius 4:7

Nituntuniku belomo dala nipakatantu i Pue ka yaku; nipakaupukumo pokarajaa nidekeiNa ka yaku. Yaku ledo nolengga-lengga nomparasaya i Kristus sampe ri kaupuna.

Yohanes 19:30

Naupu i Yesus nompetami uve anggur napoi haitu niuliNamo, “Naupu puramo.” Naupu haitu notunggamo Ia bo naponjimo.

Lukas 8:31

Seta-seta haitu mpuu-mpuu nerapi nte i Yesus, “Nee ratudu kami hau rapandasa nu Alatala ri lovu ledo rapakule mantuvu kandalana!”

Pompakita 12:17

Nagigi mpuumo rara nu ule naga haitu nanggita mombine, sampe ia hau mombaeva muli-muli nu mombine haitu ntanina, haitumo tona natutu nangoseaka parenta-parenta nu Alatala bo bate-batena nanggangisi pepatuduki i Yesus.