Pompakita 11:6 - Kaili Ledo

⁶ Ira randua haitu makuasa mantaamaka uda ala ledo mauda sakuya kasaena ira mompasimbayu tesa lako nte Alatala. Ira muni makuasa ri mata-mata nu uve ala mombabali uve-uve haitu majadi raa. Bo ira makuasa mompandasa manusia ri dunia ante mpengaya-ngaya pepandasa maipia rapodotara ala manusia majea lako ri dosara.

Pompakita 11:6 Referans Kwoze

Lukas 4:25

Tora anu najadi tempo Nabi Elia nggaulu. Talu-mpae santanga kasaena kapane nu eo, ledo ria uda, najadimo kaara mpai neliu gantana ri njumangata. Tempo haitu nadea timbala ri ngata ntoYahudi.

Pompakita 8:8

Naupu haitu malaeka karanduana nompopomoni tabuena. Kaliu-liu naria anu mpo bulu mbaso napapu nitedaka rantasi. Bo sabagia lako ri tatalu bagia tasi nabali najadi raa.

Pompakita 11:3

Tempona haitu Kusuro randua tona mompasimbayu tesaKu. Ira mompake baju nipovia lako ri karu mpo tona nasusa rarana, bo ira mompasimbayu tesaKu talu-mpae santanga kasaena.”

Pompakita 16:3

Naupu sia malaeka karanduana nombabusaka isi tubuna riara ntasi. Bo tasi haitu najadi mpo raa mate sampe pura-pura anu natuvu riara ntasi, namate.

Pompakita 16:4

Naupu haitu malaeka katataluna nombabusaka isi tubuna ri pura-pura binangga bo mata-mata nu uve. Bo pura-pura uve haitu nabali najadi raa.