Pompakita 11:3 - Kaili Ledo

³ Tempona haitu Kusuro randua tona mompasimbayu tesaKu. Ira mompake baju nipovia lako ri karu mpo tona nasusa rarana, bo ira mompasimbayu tesaKu talu-mpae santanga kasaena.”

Pompakita 11:3 Referans Kwoze

Pompakita 12:6

Naupu haitu nalaimo mombine hau ri karava bai. Ri sia ia nonturo ri ponturo nipakasadia nu Alatala mamimo ka ia. Ri ponturo haitu ia nipiara talu-mpae santanga kasaena.

Pompakita 11:2

Tapi nee mureke kaluona doyata ri savaliku BanuaKu, sabana doyata haitu nidekei ka tona ledo nomparasaya i Yesus. Talu-mpae santanga kasaena ira mombakuasai ngataKu Yerusalem.

Pompakita 13:5

Binata nadaa haitu nidekeika kuasa notesa, bo ia nangoe bo nompandaente Alatala. Nidekei muni ia noparenta bo novia dotana mboto talu-mpae santanga kasaena.

Suro-Suro 13:31

Bara sakuya eo kasaena, nadea ngganina i Yesus nompopakita karoNa ka tona anu nantuntuni Ia lako ri bagia Galilea hau ri ngata Yerusalem. Ira haitumo anu sii-sii najadi sabi-sabiNa ka todea toIsrael.

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Lukas 24:48

Komiumo sabina pura-pura anu najadi nte Yaku.

2 Korintus 13:1

Katalu-ngganikana hitu yaku makava nte komiu. Tempo yaku ri situ nte komiu karongganina bara ipia, nipopatoraku ka ira topovia dosa bo ka pura-pura tona ntanina, tumo rapovia dosa. Jadi hitupa nau yaku ledo ri situ nte komiu, kupopatora mpanjili ka komiu: tumo mpuu movia dosa! Riara Buku Gasa niuli ane maria tona nirai, kana maria randua atau tatalu sabi ala rasani kakanana, bara nasala ia bara ledo. Maupu sia pade mamala rahuku. Ane makava ri situ yaku bo komiu dopa nenonto novia nadaa, domo maasi mataku nanggita komiu tapi kuhuku mpuu!

Suro-Suro 2:32

I Yesusmo hii niuli i Daud pangane, sabana Iamo tona nipakatuvu nu Alatala mpanjili. Kami pura-pura hii najadi sabiNa, sabana kami mboto nanggita i Yesus natuvu mpanjili.

Yohanes 15:27

Bo komiu muni mompopaisani Yaku ka todea sabana komiu nosanggani-nggani ante Yaku lako ri pamula panggaviaKu ri dunia hitu.”

Matius 18:16

Tapi ane ledo madota ia mantarima tesamiu, keni saito atau randua tona ntanina majadi sabi ntesamiu ante ia. Povia ivesia sabana riara Buku Gasa nitulisi ivei: ‘Ane maria tona rapangadu, kana maria randua atau tatalu sabi ala malanto ia mpuu-mpuu nasala.’ Ulangan 19:15

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Suro-Suro 3:15

Komiumo nombatudu tona nompatesi Ia, tano Iamo topombadekei katuvu nabelo sampe ri kasae-saena ka manusia. Bo Alatala nompakatuvu mpanjili Ia lako ri kamateNa. Kami najadi sabiNa, sabana kami mboto nanggita i Yesus natuvu mpanjili.

Pompakita 20:4

Naupu haitu nikitaku bara sako-angu gadera kamagaua. Bo tona nonturo ri gadera haitu nidekeika kuasa mombatangara. Bo nikitaku muni nyawa-nyawa ntona namate nitampa balenggara sabana ira batena nompatolele pepatuduki nakana anu nipopaisani i Yesus, bo batena nompatolele Tesa nu Alatala. Ira ledo muni nombasomba binata nadaa bo pinoitona, bo ira ledo muni nantarima mere binata haitu ri kirera bara ri palera. Ira gahaitu natuvu mpanjili bo nomparenta mpo magau nosanggani-nggani ante i Kristus sanjobu mpae kasaena.

Efesus 4:11

Iamo nompalele pedekei-pedekei ka kita. Sanu nidekeikaNa pompakule majadi suro, sanu nidekeikaNa pompakule majadi nabi anu mompasimbayu tesa nitarimana lako nte Alatala. Sanu muni nidekeikaNa pompakule majadi topompatolele Kareba Belo, bo ntanina nidekeikaNa pompakule manggeniaka bo mompatuduki todea topomparasaya.

1 Korintus 12:28

Ri tatangamiu sampomparasaya, Alatala nanganggataka tona mantui mpengaya-ngaya bago. Pamulana naria tona nianggatakaNa majadi suroNa. Bo karanduana, naria tona nianggatakaNa majadi nabi mompasimbayu tesa nitarimana lako nte Alatala. Katataluna, naria anu nianggatakaNa majadi guru. Bo naria muni nidekeikaNa pompakule movia kabaraka. Naria nidekeikaNa pompakule mompakabelo dua-dua ntona. Naria nidekeikaNa pompakule mantulungi tona ntanina, naria nidekeikaNa pompakule manggeniaka todea, bo naria nidekeikaNa pompakule motesa basa-basa anu nopuna lako ri Nosa Gasa.

Yohanes 3:27

Nesana i Yohanes, “Ledo makuya. Ledo ria saitoa manggava nuapa-nuapa ane ledo radekei nu Alatala ka ia.

Matius 11:21

NiuliNa, “Mandasa mpuumo komiu, toponturo ri ngata Korazim! Bo mandasa mpuumo komiu toponturo ri ngata Betsaida, sabana komiu ledo najea. Ane rapana kabaraka-kabaraka nipoviaKu ri ngatamiu Kupovia ri ngata Tirus bo Sidon, natantu nasaemo kajeara, nau ira ledo toYahudi. Bo natantu nasae munimo popakeara karu bo podikara sovu ri balenggara, tandana nabuku rarara bo nanjosomo nokainggu nadaa. Komiu toYahudi nanggita kabaraka-kabaraka haitu, tapi komiu ledo ntoto najea!

Lukas 10:13

I Yesus nompapola tesaNa ivei: “Mandasa mpuu komiu toponturo ri ngata Korazim! Bo mandasa mpuumo komiu toponturo ri ngata Betsaida, sabana komiu ledo najea! Ane rapana kabaraka nipoviaKu ri ngatamiu, Kupovia ri ngata Tirus bo ngata Sidon natantu nasaemo kajeara, nau ira ledo toYahudi! Bo tantu nasae munimo popakeara karu bo podikara avu ri balenggara, tandana nabuku rarara bo nanjosomo nokainggu nadaa. Komiu toYahudi nikitamiu kabaraka-kabaraka haitu, tapi komiu ledo ntoto najea.

Pompakita 11:6

Ira randua haitu makuasa mantaamaka uda ala ledo mauda sakuya kasaena ira mompasimbayu tesa lako nte Alatala. Ira muni makuasa ri mata-mata nu uve ala mombabali uve-uve haitu majadi raa. Bo ira makuasa mompandasa manusia ri dunia ante mpengaya-ngaya pepandasa maipia rapodotara ala manusia majea lako ri dosara.