Pompakita 1:2 - Kaili Ledo

² Bo yaku, i Yohanes, nompasimbayu pura-pura anu nikitaku, haitumo tesa lako nte Alatala bo anu nipopaisani i Yesus Kristus.

Pompakita 1:2 Referans Kwoze

1 Korintus 1:6

Haitu nompakalanto Kareba i Kristus anu nipatolele kami ka komiu, mpuu-mpuu nalonto riara ntaimiu.

Pompakita 12:17

Nagigi mpuumo rara nu ule naga haitu nanggita mombine, sampe ia hau mombaeva muli-muli nu mombine haitu ntanina, haitumo tona natutu nangoseaka parenta-parenta nu Alatala bo bate-batena nanggangisi pepatuduki i Yesus.

1 Yohanes 1:1

Tesa nu Alatala anu nombadekei katuvua nabelo naria mamimo lako ri lamba pamulana, bo haitumo ratesa kami riara sura hitu. Ia niepe kami bo nikita kami mboto. Ia nisabiki kami bo Ia natuvu singgani nte kami.

Yohanes 21:24

I Yohanes hii anaguru nitesa ri bavona, iamo nanggita bo notesaki kajadia haitu. Bo ia muni notulisi kajadia haitu riara buku hitu. Bo nisanita anu nitesana haitu mpuu-mpuu nakana.

Yohanes 19:35

Tona nanggita kajadia haitu, iamo nompopaisani kajadia haitu ka komiu ala komiu muni momparasaya. Nakana tesana haitu bo nisanina mbotomo tesana haitu nakana.

Pompakita 1:19

Jadi, tulisimo pura-pura anu nikitamu, nau anu najadi sii-sii, nau anu majadi bara maipia.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.

Suro-Suro 26:16

Peanggamo! Yaku neonga manganggataka iko majadi batuaKu bo sabiKu. Iko kana mompatolele ka tona ntanina anu nikitamu eo hitu bo anu Kupopakita ka iko ri tempo makava.

Yohanes 12:17

Todea anu nosanggani-nggani ante i Yesus tempo Ia nompokio i Lazarus lako riara dayo bo nompakatuvu mpanjili ia, todea gahaitumo notesa kajadia haitu ka tona ntanina.

Pompakita 6:9

Naupu haitu Ana Bimba nombabuka populu kaalimana. Bo nikitaku ri tambe Lanta Pesomba naria nyawa-nyawa ntona namate anu nipatesi sabana nompatolele Tesa nu Alatala bo ledo nenonto notesaki pomparasayara i Yesus.

1 Yohanes 4:14

Ledo aga haitu. Kami ana-anaguru i Yesus nikita kamimo Ia, Ana nu Alatala, bo kami nosabiki Iamo nitudu nTuamaNa Alatala tumai ri dunia majadi Topompakasalama manusia.

1 Korintus 2:1

Sampesuvu-sampesuvu, tempo yaku nakava nte komiu nanggeni Kareba Belo lako nte Alatala, yaku ledo notesa ante tesa-tesa nagaya bo napande.

Suro-Suro 4:20

Kami hii ledo mamala menonto motesa anu nikita kami bo anu niepe kami mboto.”

Yohanes 3:11

Pariaramo tesaKu hitu. Kami hii notesa anu nisani kami, bo kami nanguli anu nikita kami mboto, tapi komiu pura-pura ledo nadota momparasaya tesa kami.

Yohanes 1:32

Bo naria muni tesa i Yohanes ntanina ivei: “Nikitaku Nosa Gasa nu Alatala nanau lako ri langi nolenje mpo tonji banggebodo netuu ri karoNa.

Pompakita 12:11

Tapi todea sampomparasaya haitu nombadagi Magau nu Seta ante kuasa lako ri raa nu Ana Bimba anu namate nombasompo dosara. Bo nidagira ia ante pepatuduki i Yesus nipatolelera. Bo ledo nipotovera katuvura, ledo ntoto nenonto nomparasaya nau sampe rapatesi.

3 Yohanes 1:12

Pura-pura tona nantoiya i Demetrius. Lako ri pokaingguna nanoa, nisaniramo ia nangoseaka pepatuduki nakana. Kami muni nantoiya ia, bo nisanimu nuapa-nuapa niuli kami, namala raparasaya.

Suro-Suro 22:15

Iko majadi sabiNa ka pura-pura tona bo mupatolele anu nikitamu bo anu niepemu.

Pompakita 1:11

Suara haitu nanguli ivei: “Tulisimo anu mukita bo pakatu ka todea topomparasaya nonturo ri pitu ngata, haitumo ngata-ngata Efesus, Smirna, Pergamus, Tiatira, Sardis, Filadelfia bo Laodikia.”

Pompakita 20:4

Naupu haitu nikitaku bara sako-angu gadera kamagaua. Bo tona nonturo ri gadera haitu nidekeika kuasa mombatangara. Bo nikitaku muni nyawa-nyawa ntona namate nitampa balenggara sabana ira batena nompatolele pepatuduki nakana anu nipopaisani i Yesus, bo batena nompatolele Tesa nu Alatala. Ira ledo muni nombasomba binata nadaa bo pinoitona, bo ira ledo muni nantarima mere binata haitu ri kirera bara ri palera. Ira gahaitu natuvu mpanjili bo nomparenta mpo magau nosanggani-nggani ante i Kristus sanjobu mpae kasaena.

Pompakita 22:21

Kuperapi i Pue Yesus mombadekei belo ka pura-pura todea nu Alatala. Amin.