Pompakita 1:18 - Kaili Ledo

¹⁸ Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

Pompakita 1:18 Referans Kwoze

Roma 6:9

Apa nisanita i Kristus nipakatuvu mpanjili lako ri kamateNa bo Ia domo mamate. Kamatea domo mamala mombakuasai Ia.

Ibrani 7:25

Jadi haitumo sampe Ia nompakule nompakasalama sampe ri kasae-saena tona nikeniNa natundu nte Alatala. Apa i Yesus batena natuvu nombasaliku ira ri ngayo nu Alatala.

Pompakita 3:7

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Filadelfia ivei: “Hitumo tesa lako nte Yaku anu nagasa bo nanoa. Yakumo nantipale gunji nu vamba Poparenta Magau Daud. Ane Yaku mombaungge vamba, ledo ria saitoa tona mamala mombatutuina, bo ane Yaku mombatutui vamba ledo muni maria saitoa tona mamala mombaunggena.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

Matius 16:19

Yaku mombadekei ka iko gunji Poparenta nu Alatala, haitumo, kuasa manggeniaka todea anu nomparasaya Yaku. Nuapa-nuapa mutagi ri dunia, haitu muni anu nitagi nu Alatala ri suruga. Bo nuapa-nuapa mudekei rapovia ntona ri dunia, haitu muni anu nidekei nu Alatala ri suruga.”

Pompakita 20:14

Isema-sema ledo nitulisi sangana riara Buku Katuvua haitu, nitedaka riara ntasi apu. Haitumo niuli kamatea karongganina, pehuku riara ntasi apu. Naupu haitu domo ria kamatea bo domo ria ponturo ntomate, apa kamatea bo ponturo ntomate nitedaka riara ntasi apu.

Ibrani 1:3

AnaNa haitu nompopakita kuasa bo kaoge nu Alatala, bo Ia nasimbayu nte Alatala. Iamo nombakuasai bo nompiara mpengaya-ngaya ri dunia ante tesaNa nakuasa. Naupu Ia nombakabasaka manusia lako ri dosa, Ia nonturo ri ponturo magau ri suruga ri panggana nu Alatala toNeliu KaogeNa.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Pompakita 4:9

Anu Natuvu haitu nombatoiya bo nombabila bo nosukuru nte Toponturo ri Gadera Kamagaua anu natuvu sampe ri kasae-saena. Tempo ira netoiya ivesia,

Ibrani 7:16

Ia najadi topanggeni pesomba ledo nangoseaka atura-atura nggaulu anu nompakatantu muli isema masipato majadi topanggeni pesomba. Tapi Ia najadi topanggeni pesomba sabana Ia nakuasa bo katuvuNa ledo ria kaupu-upuna.

2 Korintus 13:4

I Kristus nalente mami tempo Ia nipaku ri kayu salib sampe namate. Tapi Ia natuvu mpanjili sabana kuasa lako nte Alatala. Kami anu nosangu rara ante i Kristus, nalente muni nasimbayu mpo Ia bara ipia. Tapi kami natuvu ante kuasa nu Alatala, nasimbayu mpo i Kristus, bo ane mantingayo komiu ngena kami, rakitamiu kuasa nidekei nu Alatala ka kami.

Pompakita 9:1

Naupu haitu malaeka kaalimana nompopomoni tabuena. Nomonipa tabue haitu, nikitaku sangu betue lako ri langi nanavu ri tana. Betue haitu nidekeika gunji vamba nu lovu anu ledo rapakule mantuvu kandalana.

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Kolose 3:3

Apa katuvumiu nadosa nireke namatemo. Bo katuvumiu nabaru dopa nikita ntoto, nasimbayu mpo kaoge i Kristus dopa muni nikita ntoto, apa Alatala dopa nompopakitana.

Pompakita 5:14

Bo nepasiosemo ampa Anu Natuvu haitu, “Amin, nakana mpuu!” Bo nantaputumo totua-totua gahaitu sampe ri tana mombasomba Alatala.

Matius 11:23

Heh, komiu toponturo ri ngata Kapernaum! Nisarumakamiu komiu raore hau ri suruga! Tapi ledo ntoto nakana! Komiu aga ranavusaka ri narakaa! Apa ane rapana kabaraka-kabaraka nipoviaKu ri ngatamiu Kupovia ri ngata Sodom anu nadaa mpuu, natantu ngata haitu ledo rapakaropu nu Alatala bo ngata haitu batena maria sampe sii-sii.

Lukas 24:5

Naeka mpuu rara mombine gahaitu sampe ira notungga narapa ri tana. Nangulimo randua malaeka haitu ka ira, “Nakuya komiu nangelo tona natuvu ri ponturo ntona namate?

Yohanes 11:25

Nanguli i Yesus ka i Marta, “Yakumo anu nompakatuvu mpanjili tona namate bo Yakumo nombadekei katuvua nabelo. Isema-sema nomparasaya Yaku, nau ia mamatemo, ia batena matuvu mabelo.

Pompakita 2:8

Naupu haitu nitudu Ana nu Manusia vai yaku motulisi ka malaeka anu nanggeniaka todea topomparasaya ri ngata Smirna ivei: “Hitumo tesa lako nte Yaku anu niuli Pamulana bo Kaupuna, anu namatemo bo natuvu mpanjili.

Pompakita 6:8

Naliu haitu nikitaku sangu jara navaa buluna! Topesavi jara haitu nosanga “Kamatea.” Bo anu netuntuni ri purina nosanga “Ponturo Ntomate.” Ira randua haitu nidekeika kuasa mombabagi ampa pura-pura manusia ri dunia bo mompatesi sabagia. Naria sanu namate tempo posieva, naria sanu namate tempo nu ara, naria sanu namate tempo dua timboro, bo naria muni sanu namate nikande binata-binata nasingi ri dunia.

Pompakita 10:6

Bo nojanjimo ia ante sanga nu Alatala anu natuvu sampe ri kasae-saena, anu nompajadi langi, tana bo tasi bo pura-pura isina. Nanguli malaeka haitu, “Tempona domo rakonto-konto.

Pompakita 15:7

Neongapa malaeka haitu, saito lako nte ampa Anu Natuvu nombadekei ka ira pitu-ntonga tubu bulava naponu ante rau rara nu Alatala, Alatala anu natuvu sampe ri kasae-saena.