Matius 9:8 - Kaili Ledo

⁸ Nanggita kajadia haitu naekamo rara ntodea ri sia. Bo nitoiyara Alatala sabana nidekeiNa kuasa nambaso eva haitu ka manusia.

Matius 9:8 Referans Kwoze

Lukas 7:16

Tona nanggita kajadia haitu, naeka puramo bo nitoiyara Alatala ivei: “Nabi nakuasa neumba ri tatangata! Alatala mpuu-mpuu nakavamo mombatulungi todeaNa!”

Matius 15:31

Nanggita haitu nokumaa mpuumo todea sabana tona nabobo namala notesa, tona nakejo bo nakoyo nipakabelo, tona napunggu namala nolipa bo tona naburo namala nekita. Jadi todea nombabila bo nantoiya Alatala anu nisomba ntoYahudi.

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.

Lukas 23:47

Tempo balengga nu tantara nanggita anu najadi, nitoiyanamo Alatala. Niulina, “Nakana mpuu tona hitu ledo ria salaNa.”

Lukas 17:15

Saito ira, nikitanapa karona nabelomo, nanjili vai ia hau nte i Yesus bo nombatoiya-toiya Alatala ante suara namangga.

Markus 2:12

Bo kaliu-liu neangga mpuumo topunggu haitu ri ngayora pura-pura. Nialanamo ompana bo nanjilimo ia. Nanggita haitu, nokumaa puramo tona ri sia, bo ira nombatoiya Alatala. Niulira, <>

Galatia 1:24

Bo nitoiyara Alatala sabana anu najadi ante yaku.

Yohanes 15:8

Ane komiu movua madea, natantu komiu mpuu-mpuu anaguruKu. Bo poviamiu haitu mompopakita kaoge nTuamaKu ka tona.

Lukas 13:13

Pade nidikaNa paleNa ri karo nu mombine, kaliu-liu nanoro karona, bo nitoiyanamo Alatala.

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 21:20

Naupu nangepe tesa i Paulus, i Yakobus ante pakeni-pakeni ntanina, nantoiya Alatala. Niulira ka i Paulus, “Sampesuvu, kana rasanimiu nonjobu-njobumo toYahudi nomparasaya i Yesus, tapi ira pura-pura da batena nangoseaka Atura-atura agama anu nipapola Nabi Musa.

Markus 7:37

Bo pura-pura tona nokumaa ntoto nangepe kajadia haitu. Bo niulira, <>

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Matius 12:23

Nanggita kajadia haitu, nokumaa mpuumo todea hamai sampe nosimpekutana ira, “Bara tona hitumo Muli Magau Daud anu nijanji nu Alatala nggaulu!”

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

Matius 9:7

Nangepe haitu neangga mpuumo topunggu haitu, bo nanjilimo ia ri banuana mboto.

Lukas 2:20

Naupu sia topoevu notingguli hau ri karava nipombolira bimbara. Nitoiyara Alatala, sabana pura-pura anu niepera bo nikitara nakana mpuu nangoseaka anu nitesa malaeka ka ira.

Lukas 17:18

Nakuya aga saito hitu nanjili nanguli tarima kasi nte Alatala? Bo ia ledo toYahudi!”

Lukas 18:43

Kaliu-liu namala mpuumo nekita toburo haitu, bo haumo ia nantuntuni i Yesus bo nombatoiya Alatala. Pura-pura todea ri sia anu nanggita kajadia haitu, nantoiya Alatala.

2 Korintus 9:13

Apa ane rakitara pedekei petulungimiu haitu, ira mantoiya bo mombabila Alatala, sabana rakitara komiu mpuu-mpuu nomparasaya Kareba Belo i Kristus bo natundu nte parentaNa. Bo ratoiyara Alatala sabana komiu ledo mpuu natove raramiu nobagi ka ira bo ka tona ntanina anu naria nte komiu.

1 Petrus 2:12

Komiu kana matuvu ante pokainggu nabelo mpuu ri tatanga ntona ledo nosisani nte Alatala. Ane mabelo pokainggumiu, nau rasalaira komiu bo raulira komiu novia anu nadaa, tapi kaupuna kana rapangakura nabelo pokainggumiu, bo ratoiyara Alatala tempo Ia makava.