Matius 9:35 - Kaili Ledo

³⁵ I Yesus hau nompesayoki ngata dea. Ia nompatuduki ri banua-banua petupu bo nompatolele kareba Poparenta nu Alatala. Bo nipakabeloNa tona nadua mpengaya-ngaya.

Matius 9:35 Referans Kwoze

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Markus 6:56

Ri umba-umba ngata nikalau i Yesus, kana naria tona nanggeni tona nadua hau ri potomu. Bo niperapira nte i Yesus ante mpuu-mpuu ala tona nadua haitu mamala manggabe bajuNa, nau aga doena. Bo isema-sema nanggabe doe nu bajuNa, kana nabelo.

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Lukas 13:22

Tempo i Yesus nompapola polipaNa hau ri ngata Yerusalem, Ia noliu ri ngata-ngata ntanina bo nompaguru.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Markus 6:6

Bo nahera mpuu i Yesus nanggita ira ledo nomparasaya. Naupu haitu haumo i Yesus nompesayoki ngata-ngata ntanina ri bagia haitu, bo nompatolele Tesa nu Alatala.

Matius 11:1

Naupupa i Yesus nompatuduki anaguruNa sapulu randua, nalaimo Ia lako ri sia bo hau mompatuduki tona bo mompatolele Kareba Belo ri ngata-ngata napara sia.

Matius 10:1

I Yesus nompasiromu ana-anaguruNa, bo nidekeiNa ka ira kuasa mompopalai seta-seta bo mompakabelo tona nadua mpengaya-ngaya.

Markus 1:14

Naliu i Yohanes Topediu nisuaraka riara ntarunggu, haumo i Yesus ri bagia Galilea mompatolele Kareba Belo lako nte Alatala.