Matius 9:28 - Kaili Ledo

²⁸ I Yesus nesua riara banua, bo nesua munimo toburo randua haitu bo nanggaparai Ia. Nekutanamo Ia “Niparasayamiu Yaku nakuasa mompakabelo matamiu?” Nesana ira, “Iyo, Pue. Niparasaya kami.”

Matius 9:28 Referans Kwoze

Matius 9:22

Neilimo i Yesus nompeinta mombine haitu. Bo niuliNa ka ia, “Anaku, pakaroso raramu! Mabelomo iko sabana iko nomparasaya.” Bo eva nisuka, nabelo mpuumo mombine haitu.

Matius 8:2

Tempo haitu nakavamo saito tona nadua oge nantaputu ri ngayo i Yesus, bo nanguli, “Pue, ane madota Komiu, Komiu nompakule mompakabelo yaku.”

Yohanes 11:40

Nanguli i Yesus ka i Marta, “Nuapa niuliKu ka iko pangane? Ane muparasaya, mukita kaoge kuasa nu Alatala!”

Yohanes 11:26

Bo isema-sema natuvu nabelo bo nomparasaya Yaku, ledo mamate bo rapopogaa lako nte Alatala sampe ri kasae-saena. Niparasayamu anu niuliKu hitu?”

Matius 13:58

Bo sia sampe ledo nadea kabaraka nipovia i Yesus ri sia, apa ledo niparasayara.

Matius 8:14

Naupu sia i Yesus hau ri banua i Petrus. Hamai nikitaNa matua i Petrus mombine aga naturu sabana nakokora.

Matius 13:36

Naupu haitu i Yesus nompalaisi todea haitu bo nanjili hau ri banua. Pade nakava anaguruNa nanguli ka Ia, “Guru, tulungi tesa pakalanto ka kami batuana porapa pangane, jono natuvu ri talua pae.”

Matius 9:27

Tempo i Yesus nompapola polipaNa, naria randua toburo nantuntuni Ia bo nongare-ngare, “Muli Magau Daud! Poasimo kami!”

Matius 9:29

Jadi i Yesus nombatui matara bo nanguli, “Mabelomo matamiu, eva niparasayamiu majadi!”

Matius 13:1

Ri eo haitu muni i Yesus nesuvu lako ri banua hau ri tinggi Rano Galilea bo nonturo ri sia.

Suro-Suro 14:9

Topunggu haitu nonturo nangepe tesa i Paulus. I Paulus nanggita tona haitu bo nisanina tona haitu mamala rapakabelo sabana niparasayana mpuu. Jadi i Paulus nompeintaka ia,