Matius 9:15 - Kaili Ledo

¹⁵ Nesanamo i Yesus ka ira, “Ledo masipato torata ri posusa poboti masusa rara bo mopuasa tempo boti langgai da mosanggani ante ira. Tapi kana makava tempona boti langgai raala lako nte ira. Tempo haitumo pade mopuasa ira. Ivesia muni anaguruKu masusa rara bo mopuasa ane Yaku raala lako nte ira.”

Matius 9:15 Referans Kwoze

Pompakita 19:9

Naupu sia, nangulimo malaeka haitu ka yaku, “Tulisimo hitu: Nabelo mpuumo tona nigaga hau ri posusa ponika Ana Bimba.” Bo niulina munimo, “Tesa-tesa hitu lako nte Alatala bo nakana mpuu!”

Yohanes 3:29

Ia kana mantambai rabila tapi yaku domo. Rapana ri posusa ponika, boti langgai nibila apa iamo mompoberei boti mombine. Tapi ane vega nu boti langgai anu nombaurusi poboti, ia aga neangga ri sinjori boti langgai, bo nadamba mpuumo rarana nangepe suara nu boti langgai nadamba haitu. Yaku nasimbayu ante topourusi poboti haitu. Nadamba mpuumo raraku apa nadea tona nangoseaka i Yesus.

Pompakita 21:2

Bo nikitaku muni ngata nu Alatala, ngata Yerusalem nabaru nanau lako nte Alatala ri suruga. Nagaya mpuu ngata haitu mpo boti mombine nopakea nagaya nasadia raala boti langgai.

Suro-Suro 14:23

Ri ngata-ngata haitu i Paulus bo i Barnabas nanganggataka pakeni ntodea topangoseaka i Yesus. Ira nopuasa bo nosambaya, nerapi i Pue mombajagai pakeni haitu, apa Iamo panjarumakara.

1 Korintus 7:5

Nee mogaa mosampaturu ane ledo ria posimpoiyomiu njamboko. Ane rapana komiu mangelo loga mosambaya, ledo makuya komiu mogaa mosampaturu bara sakuya kasaena ane raposimpoiyomiu njamboko. Tapi ane maupumo tempo nipakatantu haitu, komiu kana manjili mosampaturu ala nee komiu rapesori Magau nu Seta mogau sala sabana komiu ledo mamala mantaamaka dota raramiu.

Yohanes 16:6

Nasusa mpuu raramiu sabana niuliKu pangane Yaku malai.

2 Korintus 11:27

Nabundumo yaku nokarajaa ntamo. Nadea ngganimo yaku ledo nakapo namonjo, ledo nangande, ledo nanginu. Nadea ngganimo yaku nombatidamaka ara ntai bo nindi bo ledo nagana pakea.

Matius 9:14

Naupu sia, bara sako-ndua topangoseaka i Yohanes Topediu nakava nte i Yesus. Nekutanamo ira, “Kami bo toFarisi nasaro nopuasa nangoseaka ada-ada agamata. Nuapa sabana anaguruMiu ledo nopuasa?”

Matius 9:16

Nanguli munimo i Yesus, “Ledo ria tona notampala baju naranta ante kae nabaru. Sabana kae baru haitu mekonjo bo mombabitesi baju ranta sampe mantambai kabitena baju haitu.

Markus 2:19

Nesana i Yesus ante porapa. NiuliNa ivei: <

Markus 2:20

Tapi makava tempona boti langgai raala lako nte ira. Tempo haitumo pade mopuasa ira.>>

Lukas 5:34

Nanguli i Yesus ka ira, “Ane da naria boti langgai ri posusa ponika, ledo masipato torata mopuasa.

Lukas 5:35

Tapi makava tempona boti langgai raala lako nte ira. Tempo haitu pade mopuasa ira.”

Lukas 17:22

Naupu haitu i Yesus nanguli ka anaguruNa, “Makava tempona ngena, maoge mpuu raramiu manggita Yaku, Ana nu Manusia, nau aga saeo, tapi domo rakitamiu Yaku.