Matius 9:14 - Kaili Ledo

¹⁴ Naupu sia, bara sako-ndua topangoseaka i Yohanes Topediu nakava nte i Yesus. Nekutanamo ira, “Kami bo toFarisi nasaro nopuasa nangoseaka ada-ada agamata. Nuapa sabana anaguruMiu ledo nopuasa?”

Matius 9:14 Referans Kwoze

Matius 6:16

“Ane komiu mopuasa nee molenje naburu eva kabiasa ntona aga nabelo ri sumba. Nitunggaira nompakaburu lenjera ala rasani ntodea ira nopuasa. Pariaramo tesaKu hitu! Nikavaramo pura-pura tambo nu puasara haitu. Domo ria ntanina.

Yohanes 3:25

Ri sia ana-anaguru i Yohanes nosinjanai nte saito toYahudi. Ira nosinjanaika ada-ada pompakagasa karo anu nituntuni ntoYahudi.

Yohanes 4:1

ToFarisi nangepe lelena nadeamo tona hau nekidiu nte i Yesus ala majadi topangoseaka Ia sampe nadeapa topangoseaka i Yesus pade i Yohanes Topediu.

Matius 11:2

Tempo haitu i Yohanes Topediu nitarunggu. Ri tarunggu niepena lelena mpengaya-ngaya anu nipovia i Kristus. Jadi nituduna bara sako-ndua anaguruna hau mompekutana nte i Yesus ivei:

Matius 9:15

Nesanamo i Yesus ka ira, “Ledo masipato torata ri posusa poboti masusa rara bo mopuasa tempo boti langgai da mosanggani ante ira. Tapi kana makava tempona boti langgai raala lako nte ira. Tempo haitumo pade mopuasa ira. Ivesia muni anaguruKu masusa rara bo mopuasa ane Yaku raala lako nte ira.”