Matius 9:1 - Kaili Ledo

¹ Naupu haitu nesavi sakayamo i Yesus ante anaguruNa nanjili hau ri sambote rano, sampe nakava ri ngata niponturora.

Matius 9:1 Referans Kwoze

Matius 4:13

Nakava ri bagia Galilea nolinjamo Ia lako ri ngata Nazaret hau nonturo ri ngata Kapernaum ri bivi Rano Galilea ri tana muli i Zebulon bo i Naftali.

Lukas 8:37

Pade pura-pura tona ri bagia Gerasa haitu nerapi nte i Yesus ante mpuu-mpuu rarara ala rapalaisiNa ngatara haitu, sabana naeka mpuu ira. Jadi i Yesus nesavi sakaya hau manjilimo.

Markus 5:21

Naupu sia, i Yesus nesavi sakaya hau ri sambote rano. Nakava hamai, nadea mpuu tona nasiromu nte Ia.

Matius 8:18

Naria saeo nadea gaga tona nantagui i Yesus. Nanggita tona dea haitu, nanguli i Yesus ka anaguruNa, “Hau kita ri sambote rano.”

Matius 7:6

Naupu haitu, nanguli i Yesus, “Nee radekei ka asu anu nagasa mbelaka asu aga megoli mombalopo komiu! Bo nee radekei mutiara ka bavu, apa bavu aga mombajeje bayangi mutiara haitu.”

Pompakita 22:11

Isema-sema nadaa pokaingguna, palambamo ia batena movia nadaa. Isema-sema naruto pokaingguna, palambamo ia batena movia anu naruto. Isema-sema nanoa, palambamo ia masaro movia anu nanoa. Isema-sema nagasa rarana, palambamo ia batena movia anu nagasa.”

Matius 8:23

Naliu haitu nesavi sakayamo i Yesus nosanggani-nggani ante anaguruNa, bo haumo ira.

Lukas 8:40

Tempo i Yesus nanjili lako ri sambote rano, Ia nitomunaka ntodea ante damba rara, apa ira nompopea kakavaNa.